is Íslenska en English

Lokaverkefni (Bakkalár)

Landbúnaðarháskóli Íslands > Umhverfisdeild (2005-2016) > B.S. verkefni - Umhverfisdeild >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/15580

Titill: 
  • Reitarvegur í Stykkishólmi : Tillaga að blandaðri byggð á iðnaðarsvæði með sterkum staðaranda og vistvænum áherslum
Námsstig: 
  • Bakkalár
Útdráttur: 
  • Sjálfbærni og vistvænar áherslur í skipulagi er ekki lengur val, heldur almenn krafa. Mikil umhverfisvakning hefur átt sér stað í Stykkishólmi undanfarin ár og vaxandi áhersla er á sjálfbærni hjá sveitarfélaginu. Þess vegna liggur það í augum uppi miðað við áherslur sveitarfélagsins að krafa er um vistvænar lausnir í Stykkishólmi og nauðsynlegt að bæta byggðina með tilliti til náttúruauðlinda og umhverfisáhrifa.
    Reitarvegur er iðnaðarsvæði í Stykkishólmi. Svæðið liggur meðfram sjávarsíðunni, í fallegu umhverfi og með útsýni yfir Breiðafjörð. Ákveðinn andi býr yfir svæðinu sem tengist sögunni, iðnaðinum og umhverfinu. Þarna er kjörið tækifæri fyrir þéttingu byggðar og betri landnýtingu. En hver er hentugasta leiðin að þessum markmiðum?
    Höfundur telur bestu lausnina vera blandaða byggð á Reitarvegi með vistvænum lausnum til þess að koma til móts við áherslur sveitarfélagsins á sjálfbærni og styrkja þá sérstöðu bæjarins. En einnig þarf að taka tillit til sögu svæðisins, starfseminnar og finna út hver sérkenni svæðisins eru sem þarf að halda í og styrkja.
    En hvað er vistvæn íbúðarbyggð? Hvernig má bæta iðnaðarsvæði svo að úr verði blönduð byggð með vistvænum áherslum? Hvernig má styrkja sögu, karakter og landfræðileg sérkenni svæðisins?
    Meginmarkmið verkefnisins er að sýna fram á að hægt sé að endurskilgreina og betrumbæta iðnaðarsvæði svo að úr verði blönduð byggð. Það skal gert með sjálfbærum og vistvænum áherslum sem og halda í og styrkja sögu, karakter og landfræðileg sérkenni Reitarvegs.
    Til þess að svara ofangreindum spurningum og ná fram meginmarkmiðunum verður verkefnið byggt á gátlista úr bókinni Shaping Neighbourhoods for Local Health and Global Sustainability og er hann heimfærður og aðlagaður að þessu verkefni. Fyrst er farið í ítarlega greiningarvinnu á svæðinu og hönnunin svo útfærð út frá niðurstöðum greininganna og vistvænum viðmiðum.
    Ný hönnunartillaga færir okkur blandaða byggð á Reitarvegi þar sem lagt er upp með að samtvinna iðnað og almenning með áherslu á vistvænar lausnir. Svæðið leggur mikið upp úr almenningsnotkun og ný fjölbreytt starfsemi laðar að sér heimamenn sem og ferðamenn. Reynt er að ná fram sterkum staðaranda og sérkenni svæðisins styrkt á ýmsan hátt. Hönnunartillagan er sett fram í máli og myndum.

Samþykkt: 
  • 6.6.2013
URI: 
  • http://hdl.handle.net/1946/15580


Skrár
Skráarnafn Stærð AðgangurLýsingSkráartegund 
2013_BS_Drifa_Arnadottir.pdf73.73 MBOpinnHeildartextiPDFSkoða/Opna
Grunnmynd_1_Drifa.pdf35.25 MBOpinnFylgiskjölPDFSkoða/Opna