ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1595

Titill

Réttarstaða barna sem þolendur kynferðisbrota

Útdráttur

Í ritgerð þessari er fjallað um réttarstöðu barna sem þolendur kynferðisbrota. Eftir umfjöllun um réttarstöðuna hér á landi er gerður samanburður við réttarstöðu barna í Danmörku og Noregi. Samkvæmt lögum um meðferð opinberra mála nr. 19/1991 er börnum tilnefndur réttargæslumaður og þeim tryggður ákveðinn málshraði, þótt deila megi um það hvort um nægilegan hraða sé að ræða. Þá eiga þau rétt á að fá upplýsingar um gang mála og rétt á að fá aðgang að gögnum máls eftir að máli þeirra er lokið. Þau geta kært ákvarðanir lögreglu til ríkissaksóknara en kæruréttur þeirra á ákvörðunum ríkissaksóknara er ekki nægilega tryggður í núgildandi lögum. Þá eiga þau rétt á að dómþing í máli þeirra sé háð fyrir luktum dyrum og sakborningur víki úr þinghaldi meðan þau gefa skýrslu fyrir dómi. Enn fremur eiga þau rétt á að afmáð séu úr dómabókum persónulegar upplýsingar um þau, þótt deila megi um það hvort dómarar nýti sér þessa heimild í nægilega miklum mæli. Þá eiga börnin rétt á að fá greiddar dæmdar bætur úr ríkissjóði, þrátt fyrir að breyta megi framkvæmdinni hér á landi. Samkvæmt núgildandi lögum eru alvarlegustu kynferðisbrotin gegn börnum ófyrnanleg. Enn fremur er börnum tryggður trúnaður um mál þeirra í meðferð yfirvalda og með stofnun nýrra ríkisstofnana og frjálsra félagasamtaka hefur réttarstaða þeirra batnað. Samkvæmt núgildandi lögum er lögreglu skylt að leita atbeina dómara við skýrslutöku á rannsóknarstigi, en lagt er til að horfið verði aftur til framkvæmdarinnar eins og hún var fyrir gildistöku laga nr. 36/1999, þannig að skýrslutökurnar verði í höndum lögreglu, rétt eins og í Danmörku. Einnig er lagt til að sett verði skýr lagaákvæði sem banna myndatökur af brotaþolum í dómhúsum líkt og gert hefur verið í Danmörku og Noregi.

Athugasemdir

Verkefnið er lokað

Birting
8.7.2008


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Efnisyfirlit.pdf60,9KBOpinn Réttarstaða barna sem þolendur kynferðisbrota - Efnisyfirlit PDF Skoða/Opna
Heimildaskrá.pdf119KBOpinn Réttarstaða barna sem þolendur kynferðisbrota - Heimildaskrá PDF Skoða/Opna
Réttarstaða barna ... .pdf613KBLokaður Réttarstaða barna sem þolendur kynferðisbrota - Heild PDF  
Útdráttur.pdf49,6KBOpinn Réttarstaða barna sem þolendur kynferðisbrota - Útdráttur PDF Skoða/Opna