Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16220
Stefna ÍSÍ og UMFÍ um hvernig eigi að þjálfa íþróttir á Íslandi er byggð á góðum og gildum rannsóknum og það er ástæða fyrir öllum ráðum sem þar eru gefin. Samkvæmt rannsóknum á þeim þjálfunarleiðum sem ÍSÍ og UMFÍ mælir með þá á árangur og ánægja að aukast meðal íþróttaiðkenda sem og brottfall að minnka. Bæði ÍSÍ og UMFÍ setja mikla orku í að halda sem flestum börnum og unglingum í skipulögðum íþróttum sem lengst og seinka brottfalli. Ef það tekst er íþrótta- hreyfingin að gera samfélagið okkar að betra samfélagi vegna þess að færri ungmenni leiðast þar af leiðandi út í áhættuhegðun. Hins vegar eru ekki öll félög sem hvetja þjálfara sína til að þjálfa eftir stefnu UMFÍ og ÍSÍ. Það sem verra er að það eru þjálfarar sem eru að þjálfa hjá félögum sem hafa enga stefnu og þjálfa þá eftir sinni eigin stefnu. Skortur á stefnu félaga og krafa um árangur getur verið ein af ástæðum þess að þjálfarar gleyma hlutverki íþrótta í samfélaginu. Mælt er með að öll félög vinni eftir stefnu hvort sem það sé stefna ÍSÍ, UMFÍ, ÍBR eða annars konar stefnu. Það að allir þjálfarar þjálfi eftir viðurkenndum leiðum er lykilinn að enn ánægjulegra og kröftugra íþróttasamfélagi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Ávinningur af þjálfun barna og unglinga eftir viðurkenndum leiðum.pdf | 773.46 kB | Opinn | Heildartexti | Skoða/Opna |