Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1634
Kárahnjúkavirkjun er óumdeilanlega stærsta framkvæmd Íslandssögunnar og hefur hlotið mikla athygli í fjölmiðlum. Til að bregða ljósi á hvort og þá hvernig viðhorf til virkjunarinnar hefðu þróast, var ráðist í að greina fjölmiðlaumfjöllun um Kárahnjúkavirkjun í dagblöðum í marsmánuðum 2003-2007. Greiningin var huglægt mat höfundar sem var unnin með sérstöku greiningablaði sem búið var til fyrir greininguna. Samtals voru 425 umfjallanir um Kárahnjúkavirkjun greindar. Niðurstaðan sýnir að viðhorf í umfjöllun um Kárahnjúkavirkjun í dagblöðum hafa breyst. Árið 2003 skiptist umfjöllunin einkum í tvo flokka, á móti eða með virkjun. Síðan hefur almenn upplifun höfundar á viðhorfum jafnast út. Í mars 2007 var umfjöllunin heldur meira meðmælt en á móti virkjun, sem er breyting frá árinu 2003 og öllum öðrum árum á undan. Almenn upplifun höfundar á afstöðu meðal dagblaða er frekar á móti virkjun heldur en meðmælt. Almenn upplifun höfundar, meðal höfunda umfjallana er þó að megninu til hlutlaus. Mesta umfjöllunin er á síðum Morgunblaðsins og skýra aðsendar greinar hluta þess fjölda. Til að skýra þessa breytingu voru ýmsar kenningar tengdar fjölmiðlum notaðar. Þessum kenningum er ætlað að varpa ljósi á þá þróun og breytingu sem hefur orðið í umfjöllun í dagblöðum um Kárahnjúkavirkjun.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
ba_verk_final_sigmar_arnarsson.pdf | 959.82 kB | Opinn | Fjölmiðlaumfjöllun um Kárahnjúkavirkjun-heild | Skoða/Opna |