is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16380

Titill: 
  • Takmörkuð ábyrgð hluthafa í skilningi 2. mgr. 1. gr. laga nr. 2/1995 um hlutafélög
Námsstig: 
  • Meistara
Útdráttur: 
  • Ritgerð þessi fjallar um hugtakið „takmörkuð ábyrgð“ í félagarétti. Er þá átt við takmarkaða ábyrgð hluthafa í hlutafélagi á skuldbindingum félagsins, en kveðið er á um hana í 1. málsl. 2. mgr. 1. gr. laga nr. 2/1995 um hlutafélög. Þar segir orðrétt:
    Hlutafélag merkir í lögum þessum félag þar sem enginn félagsmanna ber persónulega ábyrgð á heildarskuldbindingum félags.
    Að baki þessum stutta málslið eru hundruð ára af lagalegri þróun og deilum. Ákvæðið þýðir í stuttu máli að hver og einn hluthafi ber ekki ábyrgð á skuldbindingum hlutafélags sem hann á hlut í, umfram hlutafjárframlag sitt til félagsins og er sú staða hluthafans eitt helsta einkenni hlutafélaga. Meginviðfangsefni ritgerðarinnar er að kanna hvort, og ef svo er, á hvaða grundvelli hluthafi getur verið látinn bera ábyrgð á skuldbindingum hlutafélags sem hann er hluthafi í. Í þessu skyni eru ýmis tilvik úr innlendri dómaframkvæmd skoðuð og athugað hvaða atvik geta leitt til ábyrgðar hluthafa. Sérstaklega er kannað hvort hin takmarkaða ábyrgð geti eða hafi í raun „fallið brott“, án þess að til komi einhver tiltekin háttsemi hluthafans sjálfs. Þegar hlutafélög verða ógjaldfær varðar það oft mikla og þá iðulega fjárhagslega hagsmuni. Svör við því hvort ábyrgð á skuldbindingum hlutafélags geti í einhverjum tilvikum fallið á hluthafa geta því skipt miklu máli, bæði fyrir kröfuhafa hlutafélags sem ekki hafa fengið að fullu greitt upp í kröfur sínar, en ekki síður þá hluthafa sem þá eftir atvikum gætu setið uppi með það tjón sem annars hefði lent á kröfuhafanum.
    Í ritgerðinni er einnig fjallað um sögu, kosti og ókosti hlutafélagaformsins og takmarkaðrar ábyrgðar almennt. Þá er lögð áhersla á að fjalla um svokallað kennitöluflakk, einkenni þess og birtingarmyndir.

Samþykkt: 
  • 5.9.2013
URI: 
  • http://hdl.handle.net/1946/16380


Skrár
Skráarnafn Stærð AðgangurLýsingSkráartegund 
MA_JTS_Endanlegt_For.pdf1.08 MBOpinnHeildartextiPDFSkoða/Opna