is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16531

Titill: 
  • Fjármögnunarleiga
  • Titill er á ensku Leasing
Námsstig: 
  • Bakkalár
Útdráttur: 
  • Markmiðið með þessari ritgerð var að kynna lesandanum upphaf og stöðu fjármögnunarleigu á Íslandi og upplýsa um fjármögnunarleigu og önnur form eignaleigu.
    Ritgerðin hófs með umfjöllun um upphaf og stöðu fjármögnunarleigusamninga á Íslandi. Frá árinu 1986 var boðið upp á fjármögnunarleigu hérlendis en starfsumhverfi var óstöðugt í upphafi. Ný lög og reglur á árunum 1989-1990 kom fótunum undir eignaleigu hérlendis. Starfsemi eignaleigufyrirtækjanna náði hámarki á uppgangsárum þjóðfélagsins 2004-2008. Eftir efnahagshrunið á árinu 2008 og nýgengnum dómum Hæstarétts um ólögmæti gengistryggðra fjármögnunarleigusamninga breyttist þjónustu-framboð og eftirspurn og ekki er lengur boðið upp á fjármögnunarleigusamninga þó önnur eignaleiga sé enn í boði.
    Þá var í ritgerðinni tekið fyrir meginefni hennar með umfjöllun um eignaleiguformin; fjármögnunarleigu, rekstrarleigu og sölu og endurleigu, skilgreiningar þeirra og sérkenni. Helstu atriði eru að leigusali fjármagnar allt að 70% í fjármögnunarleigu en 100% í rekstrarleigu. Notendur eignaleigusamninga eru einstaklingar, fyrirtæki og stofnanir. Helsti kostur eignaleigusamninga er hve einfaldir og fljótgerðir þeir eru í samanburði við aðra fjármögnun. Helstu gallar fjármögnunarleigu varða bindingu og takmarkanir á veðsetningu. Í umfjöllun um skattalega meðferð leigusamninga og áhrif á reikningshald fyrirtækja segir að eignaleigusamningar skulu færðir í efnahagsreikning. Rekstrarleiga er þó færð beint í rekstur. Það helsta sem skilur að leigusamninga og hefðbundin lán er að leigusali er eigandi leigumunar en lántaki eigandi eignar og ekki er farið fram á tryggingar í leigusamningum. Rannsóknir benda til þess að lán og leigusamninga séu staðkvæmdarvörur og vísbendingar eru um að val fyrirtækja fari eftir fjárhagstöðu (Lin og félagar, 2013).
    Niðurstaða ritgerðarinnar er sú að fjármögnunarleiga er ekki síðri kostur en aðrir möguleikar til fjármögnunar, þar sem leigusamningarnir eru einfaldir og fljótgerðir. Jafnframt hve nauðsynlegt er vegna réttaröryggis að upplýsingar í leigusamningunum séu skýrar svo orðaval skapi ekki óvissu. Þá má ætla að vöxtur eignaleigufyrirtækjanna muni styrkjast á komandi árum og þau verði í stakk búin að mæta eftirspurn viðskiptavina.

Samþykkt: 
  • 18.9.2013
URI: 
  • http://hdl.handle.net/1946/16531


Skrár
Skráarnafn Stærð AðgangurLýsingSkráartegund 
Petrína_Erla_Reynisdóttir_BS.pdf527.44 kBOpinnHeildartextiPDFSkoða/Opna