Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16557
Efnahagsreikningur seðlabanka og peningamagn hefur aukist verulega í mörgum vestrænum löndum í kjölfar fjármálahrunsins, aðallega vegna óhefðbundinna peningamálaaðgerða seðlabanka í löndum þar sem opinberir skammtímavextir hafa náð núll-mörkum. Efnahagsreikningur Seðlabanka Íslands og peningamagn hefur einnig aukist mikið þó opinberir skammtímavextir hafi verið háir og er Ísland sérstakt að því leyti. Aukning peningamagns á Íslandi má bæði rekja til gríðarlegrar stækkunar bankakerfisins fyrir hrun og til óhefðbundinna aðgerða til þess að vinna á móti kreppunni og verja gengi íslensku krónunnar eftir hrun. Markmið þessarar ritgerðar er að fjalla um þróun peningamagns í hinum ýmsu löndum heims undanfarin ár og áhrifin sem aukið peningamagn hefur á hagkerfið. Ennfremur verður rannsakað hvaða áhrif breyting á peningamagni hefur haft á verðbólgu og VLF að nafnvirði á Íslandi undanfarna fjóra áratugi. Í ljós kemur að langtímasamband er til staðar milli breytingar peningamagns og verðbólgu og að áhrif breytingar á peningamagni á verðbólgu eru talsverð á Íslandi til langs tíma litið.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Peningamagn og þróun þess.pdf | 1.7 MB | Opinn | Heildartexti | Skoða/Opna |