Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16659
Vorið 2013 luku 26 nemar í grunnskólakennarafræði skapandi hópverkefni til B.Ed.-prófs með áherslu á samvinnu og skapandi vinnubrögð. Hópurinn ákvað að fást við þverfaglegt nám og námsefni og læsi í víðum skilningi. Undirhópar skiluðu fimm verkefnum sem mynduðu sýningarheild á Menntavísindasviði 19. apríl 2013. Hverju verkefni fylgir skýrsla þar sem lýst er fræðagrunni og hvernig skapað var út frá honum. Skapandi hópverkefni er birt í heild sinni á http://skrif.hi.is/skapandihopverkefniBEd
Viðfangsefni okkar var að skoða hvernig lestur þróast hjá börnum fjögurra til tíu ára og hvernig sú þróun birtist í umhverfi barna í námi og leik fyrstu árin. Leitast var við að sýna þessa þróun á skapandi hátt í formi skuggaleikhúss sem var tekið upp og sýnt sem stuttmynd. Skuggaleikhúsið er saga af barni sem fjallar um daglegt líf þess í samspili við umhverfið. Sagan segir frá barni heima við, í leikskóla og á fyrstu árum þess í grunnskóla.
Við skoðuðum vel hvað börn eru að fást við á hverju skeiði fyrir sig og völdum þá þætti sem eru mikilvægir fyrir þróun lestrar. Einnig skoðuðum við hvernig nánasta umhverfi barna og námsgreinarnar stærðfræði og náttúrufræði hafa áhrif á orðaforða og hugtakaskilning barna á þessum aldri.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Veggspjold.pdf | 176.75 kB | Opinn | Viðauki | Skoða/Opna | |
Throun lestrar.pdf | 213.54 kB | Opinn | Heildartexti | Skoða/Opna |