Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16795
Fíkniefnavandinn er af mörgum álitinn einn helsti vandi sem vestræn ríki glíma
við í dag. Viðhorfsmælingar á Íslandi sýna að flestir telja neyslu fíkniefna
alvarlegasta vandamál afbrota hér á landi og að mikilvægasta ástæða þess að
sumir leiðist út í afbrot sé neysla áfengis- og fíkniefna. Neysla algengasta fíkni-
efnisins, kannabis, hefur reglulega verið mæld meðal grunnskólabarna hér á landi
en neysla fullorðinna hefur minna verið könnuð. Lítið er því vitað hvernig
neysla sem hefst í grunnskóla þróast þegar fram kemur á fullorðinsár, hvort hún
aukist, standi í stað eða minnki. Í erindinu verður farið í útbreiðslu kannabis
meðal fullorðinna á Íslandi út frá þremur mælingum í samvinnu við
Félagsvísindastofnun HÍ sem taka til áranna 1997, 2002 og 2013. Þróunin
verður metin, einkenni neyslunnar greind í ljósi félagslegra áhættuþátta og sér-
staklega hugað að stöðu sprautufíkla. Viðbrögð samfélagsins og ýmis úrræði til
að takast á við vandann verða einnig rædd og í lokin ályktað um líklega
stefnumótun í málaflokknum til framtíðar bæði hér og erlendis.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
HelgiGunnlaugs_Felman.pdf | 524.4 kB | Opinn | Heildartexti | Skoða/Opna |