Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16803
Viðfangsefni greinarinnar er mat á staðfærslu stjórnmálaflokka og hvernig
ímynd og staðfærsla tengjast faglegu markaðsstarfi, samkeppnishæfni og árangri.
Fjallað er um niðurstöður rannsóknar þar sem lagt er mat á staðfærslu stjórn-
málaflokka. Þekkt sjónarmið úr vörumerkjastjórnun er að til að ná árangri þurfi
vörumerki að hafa sterka, jákvæða og einstaka stöðu í huga eða minni mark-
hópsins. Skoðað er hvort þetta sjónarmið eigi við þegar um stjórnmálaflokka er
að ræða og hvort niðurstöður gæfu þá vísbendingu um niðurstöður kosninganna
en könnunin fór fram í febrúar 2013. Rannsóknarspurningarnar eru tvær: Hver
er ímyndarleg staða stjórnmálaflokka í febrúar 2013? Gefa niðurstöður
einhverjar vísbendingar um úrslit kosninganna þá um vorið?
Könnunin var framkvæmd í febrúar 2013 og svöruðu 417 henni. Niðurstöður
sýna að sex flokkar virðast ná manni á þing, Sjálfstæðisflokkur, Framsóknar-
flokkur, Samfylkingin, Vinstri grænir, Björt framtíð og Píratar. Sjálfstæðis-
flokkurinn er sá flokkur sem tengir sig sterkt við atvinnulíf og efnahagsmál en
síður við traust, jafnrétti, velferðarmál og umhverfismál. Vinstri grænir tengja sig
sterkt við umhverfismál og velferðarmál en síður við atvinnulíf og efnahagsmál.
Píratar þykja nútímalegur flokkur sem og Björt framtíð. Samfylkingin og
Framsóknarflokkurinn hafa óljósa stöðu. Samfylkingin hallast þó í sömu átt og
Vinstri grænir og Framsóknarflokkurinn í sömu átt og Sjálfstæðisflokkurinn.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Sandra_Maria_Saevarsdottir_Thorhallur_VID.pdf | 465.48 kB | Opinn | Heildartexti | Skoða/Opna |