is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/16845

Titill: 
  • Fullframningarstig 1. mgr. 206. gr. hgl. með hliðsjón af dómi Hæstaréttar í máli nr. 200/2012
Námsstig: 
  • Bakkalár
Leiðbeinandi: 
Útdráttur: 
  • Samkvæmt 1. mgr. 206. gr. almennra hegningarlaga nr. 19/1940 er óheimilt að kaupa vændi, en kaup á vændi hérlendis varðar sektum eða fangelsi allt að einu ári. Sala á vændi til viðurværis hefur verið refsiverð allt frá setningu hegningarlaga nr. 19/1940 en lítið hefur reynt á þetta ákvæði fyrir dómstigum réttarkerfisins hérlendis. Ákvæði 1. mgr. 206. gr. hgl. hefur tekið miklum stakkaskiptum síðustu ár og því er nauðsynlegt að ljóst sé hvernig túlka eigi ákvæðið þar sem vændi hefur verið að skjóta rótum sínum í þjóðfélaginu og erfitt hefur verið að ná utan um hversu útbreitt það er enda starfsemi sem þessi oftast dulin.
    Í fyrsta kafla þessarar ritgerðar er almenn umfjöllun um flokkun afbrota. Við flokkun afbrota er litið til tveggja mismunandi flokkunaraðferða. Sú fyrri felst í því að flokka afbrot eftir því hvað refsiákvæði segir, efnislega og þá sérstaklega litið til verndarhagsmuna þess og verknaðaraðferða. Seinni flokkunin hlýtur ítarlegri umfjöllun í þessari ritgerð en hún felst í því að flokka afbrot eftir formi ákvæðisins og þá er fullframningarstig afbrota fyrirferðarmikið í umfjölluninni.
    Í öðrum kafla er fjallað um vændisákvæði almennra hegningarlaga sem finna má í 206. gr. laganna. Ákvæði 1. mgr. 206. gr. hgl. er rannsakað og reynt að útskýra nánar hvað felst í broti á því ákvæði. Þá er hugtakið vændi skilgreint og litið til þess hvað getur talist sem vændi í skilningi 206. gr. hgl. Þá verður stiklað á stóru varðandi þróun á vændisákvæði hegningarlaganna hérlendis og hvaða utanaðkomandi áhrif urðu til þess að ákvæðið breyttist nýlega þar sem kaup á vændi var gert refsivert. Að lokum verður farið í löggjöf annarra Norðurlandaþjóða og þeirri aðferðarfræði sem þessar þjóðir hafa stuðst við spornun gegn vændi.
    Næst er svo dómur Hæstaréttar frá 20. september 2012, nr. 200/2012 skoðaður en hann varðaði kaup á vændi sem refsivert er samkvæmt 206. gr. hgl. Það sem verður sérstaklega tekið til umfjöllunar varðandi þennan dóm er það hvað þarf að koma til svo að brot gegn 1. mgr. 206. gr. hgl. teljist fullframið.
    Í niðurstöðukaflanum verður farið yfir umfjöllunarefni ritgerðinnar og þá sérstaklega reynt að skoða svarið við þeirri spurningu hvenær aðili telst hafa keypt vændi í skilningi 206. gr. hgl. Þeirri spurningu verður reynt að svara með hliðsjón af dómi Hæstaréttar í máli nr. 200/2012.

Samþykkt: 
  • 11.11.2013
URI: 
  • http://hdl.handle.net/1946/16845


Skrár
Skráarnafn Stærð AðgangurLýsingSkráartegund 
Bryndís Ýrr Pálsdóttir.pdf414.61 kBOpinnHeildartextiPDFSkoða/Opna