Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1719
Nýliðafræðsla er mjög mikilvæg, hvort sem fyrirtækið er lítið eða stórt. Ef það er með góða nýliðafræðslu er nýliðinn sjálfsöruggari, líður betur og finnst hann velkominn á vinnustaðinn.
Þjálfun er mikilvæg í hverju fyrirtæki þótt það sé mismunandi hve mikla þjálfun starfsmaðurinn þarf til að geta hafið störf. Mörg störf eru sérhæfð t.d snyrting í frystihúsi því er mikilvægt að þjálfa starfsfólk vel upp svo hráefnið verði vel samkeppnishæft.
Starfsmannavelta verður minni, framleiðni meiri og mistökin færri. Starfsmaðurinn veit til hvers er ætlast af honum og er hæfari til að vinna starf sitt.
Þegar fyrirtæki eru með erlent starfsfólk í vinnu er mikilvægt að kynna þeim fyrir samfélagslegum þáttum, svo sem skattamálum, verkaýðsfélögum, túlkaþjónustu ofl.
Í alþjóðlegri mannauðsstjórnun er grundvallaratriði að starfsmaðurinn læri tungumálið því að þá aðlagast hann samfélaginu mun hraðar og samskipti á vinnustað verða betri.
Gerð var lýsandi rannsókn þar sem skýrsluhöfundur var í samvinnu við sex fyrirtæki á Eyjafjarðarsvæðinu. Gerður var spurningalisti fyrir erlent starfsfólk til að sjá hvort það fékk nýliðafræðslu, hvernig hún var og hvort því voru kynntir samfélagslegir þættir.
Einnig var tekið viðtal við starfsmannastjóra fyrirtækjanna til að fá þeirra sýn á nýliðafræðslu erlendra starfsmanna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
lokaverk_skemman25042008.pdf | 418.33 kB | Opinn | Hvernig er nýliðafræðslu fyrir erlent starfsfólk í fyrirtækjum í Eyjafirði háttað og eru því kynntir samfélagslegir þættir? - heild | Skoða/Opna |