is Íslenska en English

Lokaverkefni

Háskóli Íslands > Heilbrigðisvísindasvið > Kandídatsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17297

Titill: 
  • Sjálfshjálpar inngrip við svefnleysi. Kerfisbundin yfirlitsgrein
Leiðbeinandi: 
Efnisorð: 
Útdráttur: 
  • Markmið þessarar kerfisbundnu yfirlitsgreinar var að draga saman niðurstöður rannsókna sem gerðar hafa verið á sjálfshjálpar- hugrænni atferlismeðferð við svefnleysi undanfarin 14 ár. Í hugrænni atferlismeðferð við svefnleysi er tekist á við svefnleysið með því að kenna ýmsar aðferðir til að draga úr svefnleysinu. Meðferðin samanstendur yfirleitt af þremur eða fleiri eftirfarandi þátta; áreitisstjórnun, svefnskerðingu, svefnheilsufræði, hugrænni mótun, slökun, svefn samþjöppun (sleep compression) og ljósameðferð (phototherapy). Samkvæmt klínískum leiðbeiningum er mælt með hugrænni atferlismeðferð við svefnleysi (HAM-S) sem fyrsta val í meðferð. Aftur á móti fær einungis lítill hluti fólks sem á við svefnleysi að stríða HAM-S meðferð en möguleiki er á að auka framboð og aðgengi hennar með því að veita meðferðina í sjálfshjálparformi. Sjálfshjálpar inngrip er meðferð sem skjólstæðingur getur farið í gegnum heiman frá sér, einn og sér eða með lágmarks stuðningi sérfræðinga.
    Hér var gert kerfisbundið yfirlit yfir tólf samanburðarrannsóknir á sjálfshjálpar inngripum. Helmingur þeirra voru veitt á internetinu og helmingur á bókaformi. Talið var að árangur sjálfshjálpar inngripa sem veitt væru á internetinu væri sambærilegur og í sjálfshjálpar inngripum á bókaformi. Jafnframt var talið að árangur sjálfshjálpar inngripa væri betri eftir því sem stuðningur meðferðaraðila við þátttakendur væri meiri. Niðurstöðurnar bentu til að sjálfshjálpar inngrip væru árangursrík við svefnleysi og að sjálfshjálpar inngrip á internetinu væru að jafnaði árangursríkari en inngrip á bókaformi. Auk þess voru vísbendingar um að árangur meðferðar væri betri þegar þátttakendur fengu stuðning í sjálfshjálpar inngripi. Af niðurstöðunum leiðir að raunhæft er að auka framboð HAM-S meðferðar með því að veita hana í sjálfshjálparformi með lágmarksstuðningi.

Samþykkt: 
  • 4.2.2014
URI: 
  • http://hdl.handle.net/1946/17297


Skrár
Skráarnafn Stærð AðgangurLýsingSkráartegund 
Skemman.pdf6.49 MBOpinnHeildartextiPDFSkoða/Opna