ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/173

Titill

„Ég get meira en ég hélt" : eigindleg rannsókn á bataferli geðsjúkra: áhrif þátttöku í 13. hópnum

Útdráttur

Þátttaka geðsjúkra í notenda- og grasrótarhópum hefur aukist undanfarin ár. Áhrif slíkra hópa á bataferli einstaklinga með geðsjúkdóma hafa lítið verið rannsökuð hér á landi. Tilgangur þessarar rannsóknar var að kanna hvort og þá hvernig notendur 13. hópsins upplifa að þátttaka þeirra í hópnum geti stuðlað að bata. Hópurinn samanstendur af einstaklingum sem eiga við geðræn vandamál að stríða og einum iðjuþjálfa. Megináhersla hópsins er að sporna gegn fordómum í garð geðsjúkra sem hópurinn hefur meðal annars gert með því að skipuleggja og framkvæma sumarhátíð sem haldin er árlega á Ingólfstorgi. Rannsókn þessi er viðbót við rannsókn sem Elín Ebba Ásmundsdóttir stendur að og ber heitið „Geðrækt geðsjúkra - áhrifavaldar í bata“. Aðferðarfræði eigindlegra rannsókna var notuð og tekin opin viðtöl við einstaklinga sem hafa verið þátttakendur í 13. hópnum. Gögn voru greind út frá þemagreiningu og tengdar við líkanið um iðju mannsins og hugmyndafræði sjálfseflingar. Helstu niðurstöður þemagreiningar sýndu að viðmælendur upplifðu að þátttaka þeirra í 13. hópnum hafi haft jákvæð áhrif á bata þeirra. Viðmælendur greindu frá mikilvægi þess að hafa val, rétt til ákvarðanatöku og fá tækifæri til að taka þátt í ögrandi og krefjandi verkefnum á eigin forsendum. Fordómaleysi, stuðningur og hrós innan hópsins frá stjórnanda hópsins og umhverfinu var áhrífaríkur þáttur í að viðmælendur upplifðu bata og stuðlaði að virkari þátttöku þeirra í daglegu lífi. Í dag hafa flestir viðmælanda tengst út í samfélagið á ný, annað hvort út á vinnumarkaðinn eða í nám. Ávinningur rannsóknarinnar getur gefið vísbendingar um bataferli geðsjúkra með hliðsjón af þátttöku í grasrótarhópum. Mikilvægt er því að halda slíkum rannsóknum áfram til að kanna enn frekar áhrifamátt slíkra hópa.
Lykilhugtök: bati geðsjúkra, notandi.

Birting
1.1.2005


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
getmeira.pdf2,53MBOpinn „Ég get meira en ég hélt" - heild PDF Skoða/Opna