Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17403
Kennarar eiga það sameiginlega markmið að vilja sjá til þess að nemendur þeirra nái árangri í námi sínu en oft á tíðum liggur þó ekki alveg ljóst fyrir hvaða þættir hafa mest áhrif á árangur. Því spyr ég mig að því hvort það sé ef til vill viðhorf nemenda til greinarinnar. Rannsókn þessi var framkvæmd með það markmið að leiðarljósi að komast að því hvort samræmi væri á milli viðhorfa og árangurs nemenda í stærðfræði og ef svo er hvaða þáttum þyrfti að hlúa að til þess að nemandinn þrói með sér jákvætt viðhorf. Tekin voru hálfopin viðtöl við fimm nemendur á unglingastigi grunnskóla. Í niðurstöðum mínum kemur fram að góður árangur hefur mikil áhrif á viðhorf nemenda og því ætti ef til vill að leggja ríka áherslu á að skapa námsaðstæður í byrjun skólagöngunnar sem auka möguleika nemenda á að ná árangri svo jákvætt viðhorf skapist sem fyrst.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaritgerð 2014- Anna Þórunn.pdf | 787.7 kB | Opinn | Heildartexti | Skoða/Opna |