is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17533

Titill: 
  • Strangari afbrigði bótareglna en sakarreglan í lausafjárkaupalögum nr. 50/2000
Námsstig: 
  • Bakkalár
Útdráttur: 
  • Í nútíma samfélagi þar sem viðskiptalíf blómstrar sem aldrei fyrr, er mikilvægt að til séu skýrar og greinagóðar reglur sem einstaklingurinn þarf að fara eftir. Það er svo margt sem getur farið úrskeiðis í kaupum og sölum aðila, þess vegna hefur löggjafinn ákveðið að setja lög og reglur um réttindi og skyldur einstaklinga svo hægt sé að leysa þau ágreiningsmál sem geta sprottið af viðskiptum. Í fjármunaréttarlegu skuldasambandi tveggja eða fleiri aðila verður að horfa til innbyrðis samskipti þeirra. Af þessu leiðir að viðfangsefni kröfuréttar er réttur kröfuhafa á hendur skuldara, og þar skiptir greiðslan og réttar efndir kröfunnar mestu máli.
    Tilhneiging mannsins til að kenna öðrum um ólán sitt hefur verið til staðar frá örófi alda. Það er oft erfitt að staðreyna að tiltekin háttsemi, sem leitt hefur til tjóns, hafi verið framkvæmd með saknæmum hætti. Um skaðabætur utan samninga gildir sú meginregla að tjónþoli ber sönnunarbyrðina um að tjón hafi átt sér stað, sök tjónvalds og um orsakatengsl. Hvað varðar sönnunarbyrði um sök innan samninga þá er úr því leyst á grundvelli laga eða ólögfestra reglna sem gilda um ákveðnar samningstegundir. Meginreglan um sönnunarbyrði er öfug innan samninga. Af því leiðir að það er skuldara (tjónvalds) að sanna einhver atvik sem afsaka hann og leysa hann þar með undan ábyrgð.
    Markmið þessarar ritgerðar er að gera grein fyrir þeim réttarreglum um grundvöll efndabóta sem eru strangari í garð skuldara heldur en sakarreglan, sem sé hlutlægar skaðabótareglur. Ekki verður fjallað sérstaklega um hlutlæga ábyrgð á sviði skaðabótaréttar né muninn á ábyrgðinni innan og utan samninga. Aðallega verður fjallað um hina hlutlægu skaðabótaábyrgð skuldara í í lausafjárkaupalögum, hvernig henni er beitt og hvað felst í henni á sviði kröfuréttar.

Samþykkt: 
  • 10.4.2014
URI: 
  • http://hdl.handle.net/1946/17533


Skrár
Skráarnafn Stærð AðgangurLýsingSkráartegund 
BA ritgerð - Edda Laxdal.pdf353.93 kBOpinnHeildartextiPDFSkoða/Opna