Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17857
Útdráttur
Í þessari ritgerð verður fjallað um stöðu kvenna í Persaflóaríkjunum með sérstakri áherslu á einkalíf þeirra en staða kvenna þar er talin sú versta í heiminum. Persaflóaríkin eru hluti af heimi múslíma en íslamstrú er oft gerð að blóraböggli fyrir því misrétti sem á sér stað í múslímaríkjum. Kenningarlegur grunnur ritgerðarinnar er femínismi og orientalismi en sérstaklega er fjallað um íslamskan femínisma sem gengur út frá þeirri hugmynd að íslamstrú sé trú jafnréttis en röng túlkun helgirita hafi skilað óréttlátu samfélagi múslíma. Fjallað verður um Sharía lög sem eru íslömsk lög, en lagakerfi Persaflóaríkjanna er byggt á þeim lögum, þó mismikið eftir löndum. Skoðuð verða svokölluð fjölskyldulög með tilliti til hjónabands, skilnaðar, forræðis barna og arfs og er aðalmarkmið ritgerðarinnar að varpa ljósi á hvernig lögin mismuna kynjunum. Að lokum verður fjallað um helstu baráttumál femínista og kvenréttindahreyfinga í Persaflóaríkjunum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Kristín Ragnarsd. BA ritgerð.pdf | 590.17 kB | Opinn | Heildartexti | Skoða/Opna |