Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17865
Markmið þessarar rannsóknar er að skoða samveruleika kvenna í jaðarhópi samfélagsins út frá femíniskum fræðum, kynjakerfinu og tilvistarstefnunni. Sjónum verður aðallega beint að konum sem eru í fíkniefnaneyslu, afbrotum og stunda vændi sér til framfærslu. Orðræðan og staðalmyndir kvennanna í samfélaginu verða einnig skoðuð. Femíniskir mannfræðingar hafa síðastliðna áratugi skrifað talsvert um stöðu kvenna í samfélögum og gjarnan skoðað aðstæður kvenna sem tilheyra jaðarhópum því staða þeirra er oft önnur en sú staðalmynd sem er af hinni hefðbundu konu samfélagsins. Kona sem neytir fíkniefna, er í afbrotum og vændi, er komin nokkuð langt út fyrir þau mörk sem samfélagið hefur sett henni.
Valdaleysi margra kvenna í jaðarhópum einkennast af yfirráðum karla og eins má segja að þeim sé skipað til hlýðni í samfélaginu af reglum sem hafa orðið eins og óskráð lög og fari einstaklingur ekki eftir þeim er hann dæmdur.
Höfundur telur sig hafa komist að þeirri niðurstöðu, að ef konum í jaðarhópum samfélagsins er mætt með fordómaleysi og virðingu og á þeim stað þar sem þær eru staddar, megi styðja þær til betra lífs með þeim úrræðum sem eru í boði í samfélaginu, þó alltaf megi gera betur.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Samveruleiki kvenna á jaðrinum, orðræðan og staðalmyndir í samfélaginu.pdf | 691.48 kB | Opinn | Heildartexti | Skoða/Opna |