Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/17877
Hér verður fjallað um heimspekinginn Dr. Rudolf Steiner og kenningar hans um eðli og mátt listsköpunar.
Í fyrri hluta ritgerðarinnar verður farið yfir lífshlaup Steiners og dulfræði hans sem hann kallaði mannspeki. Varpað verður ljósi á hvernig mannspekin tengist listsköpun og listskynjun mannsins ásamt því hvernig dulfræðin tengdist öðrum samtíðarlistamönnum Steiners og menningaraðstæðum fyrri hluta tuttugustu aldar. Steiner var sannfærður um að máttur listarinnar væri órjúfanlegur hluti af tilveru og sjálfsþroska mannsins. Hann leit svo á að listin brúaði bilið á milli hins andlega og veraldlega heims og að það væri mikilvægt að dýpka skilning sinn á eðli hennar til að komast að kjarna hennar. Ritgerðin mun svo leiða að því sem Steiner kallaði dýpri listskynjun gegnum aðferðafræði mannspekinnar.
Rýnt verður í litakenningu Isaac Newton og hún borin saman við litakenningu Steiners og J. W. Goethe.
Í síðari hluta ritgerðarinnar verður Goetheanum-byggingin skoðuð sem Steiner hannaði út frá listfræðikenningum sínum.
Loks verður högglistaverkið The Representative of Humanity eftir Steiner greint og skoðað út frá mannspekinni.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
lokalokaloka.pdf | 2.39 MB | Opinn | Heildartexti | Skoða/Opna |