Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18153
Hér verður fjallað um áróðurskvikmyndir (e. Propaganda films), með sérstaka áherslu á áróðurskvikmyndir Þriðja ríkisins. Megináherslan verður lögð á Sigur viljans (1935) eftir Leni Riefenstahl. Til þess að setja áróðurskvikmyndirnar í samhengi verður kvikmyndagreinin skoðuð út frá sögulegu, hugmyndafræðilegu og kvikmyndafræðilegu sjónarhorni.
Fyrst verður sjónum beint að áróðri og áróðurslist út frá sögulegu og hugmyndafræðilegu sjónarhorni og leitað svara við spurningunum: „hvað er áróður?“, „hvað einkennir áróður?“ og „hvernig myndast áróður?“. Í framhaldinu verður fjallað um áróðurskvikmyndir Þriðja ríkisins. Farið verður í það tímabil á ferli Leni Riefenstahl þegar hún starfaði sem leikstjóri í Þriðja ríkinu. Auk þess verður farið yfir sagnfræðilegt samhengi kvikmyndagerðar Þriðja ríkisins. Að lokum verða tekin fyrir tvö þemu í Sigri viljans og leitast við að sýna fram á hvernig Riefenstahl notaði hugmyndafræði fasískrar áróðurslistar við gerð Sigur viljans með hliðsjón af ritinu Die Massenpsychologie des Faschismus eftir Wilhelm Reich.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokagerð Kvikmyndafræði Sigríður Stefanía eintak A word skjal.pdf | 335.36 kB | Opinn | Heildartexti | Skoða/Opna |