is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18173

Titill: 
  • Reittur til reiðis. Um -s endingu í eignarfalli orða eins og reiði
Námsstig: 
  • Bakkalár
Útdráttur: 
  • Þessi ritgerð er lögð fram til BA-prófs í íslensku við Hugvísindasvið Háskóla Íslands. Henni er ætlað að gera grein fyrir málbreytingu sem felst í því að kvenkynsorð sem enda á –i í íslensku fá –s í eignarfalli eintölu. Þetta eru orð eins og heppni, keppni og reiði. Málbreytingin hefur verið til samhliða hefðbundnu eignarfalli svo lengi sem elstu heimildir herma og er í ýmsum ritum sögð tilkomin fyrir áhrif frá hvorugkynsorðum af svipaðri gerð. Leitað er svara við því hvers vegna þessi orð geti fengið –s í eignarfalli og hvað sé að eiga sér stað í málkunnáttu þegar málhafi beitir t.d. orðmyndinni reiðis í stað reiði í eignarfalli.
    Ritgerðin skiptist í fjóra hluta. Í fyrsta kafla eru kenningar Chomskys um meðfædda málkunnáttu kynntar til sögunnar og fjallað er um málbreytingar, einkum þær sem eru taldar kvikna í máltöku barna. Í öðrum kafla er hefðbundin lýsing á beygingarkerfi íslenskra nafnorða dregin fram auk þess sem fjallað verður um lýsingu á beygingarkerfinu frá sjónarhóli málkunnáttufræði. Rætt verður um orðasafnið og aðra þætti málkunnáttunnar með tilliti til málbreytingarinnar. Í þriðja kafla eru fyrri skrif um málbreytinguna dregin fram og gerð grein fyrir nýrri rannsókn og niðurstöðum hennar. Í fjórða og síðasta hluta ritgerðarinnar eru helstu niðurstöður eru dregnar saman og ræddar.

Samþykkt: 
  • 12.5.2014
URI: 
  • http://hdl.handle.net/1946/18173


Skrár
Skráarnafn Stærð AðgangurLýsingSkráartegund 
Forsíða&titilsíða.pdf127.62 kBOpinnForsíðaPDFSkoða/Opna
Reittur til reiðis.pdf632.36 kBOpinnMeginmálPDFSkoða/Opna