is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18317

Titill: 
  • Bólgusjúkdómar í meltingarvegi: Lífsgæði einstaklinga og hlutverk sérhæfðra hjúkrunarfræðinga
  • Titill er á ensku Inflammatory bowel disease: Quality of life and the role of nurse specialists
Námsstig: 
  • Bakkalár
Útdráttur: 
  • Bólgusjúkdómar í meltingarvegi (IBD) eins og Crohn’s sjúkdómur og sáraristilbólga eru mjög algengir langvinnir sjúkdómar en orsök þeirra er óþekkt. Það skiptast á tímabil með sjúkdómsversnunum þar sem einkenni eru mikil og tímabil þar sem sjúkdómur liggur niðri. Það hefur verið sýnt fram á að lífsgæði þessara einstaklinga eru skert en ekki hefur verið mikið skoðað hvaða bjargráð þeir geta nýtt sér og hvernig sérhæfðir hjúkrunarfræðingar geti mætt þörfum þeirra. Tilgangur fræðilegu samantektarinnar var að skoða hver áhrif þessara sjúkdóma eru á lífsgæði einstaklinga sem tengjast líkamlegum og sálfélagslegum þáttum og hvaða bjargráð eru notuð til að halda sjúkdómunum í skefjum. Jafnframt var tilgangurinn að skoða hvert hlutverk sérhæfðra hjúkrunarfræðinga er í umönnun þessara einstaklinga og hvernig sérhæfðir hjúkrunarfræðingar á Íslandi gætu hugsanlega tekið enn meiri þátt í slíkri meðhöndlun bæði á sjúkrahúsum og í sérhæfðum læknastöðvum. Gagna var aflað í gegnum PubMed, Chinal, Scopus og Web of science. Niðurstöður rannsókna sýna að lífsgæðin eru verulega skert hjá þessum einstaklingum vegna líkamlegra og sálfélagslegra einkenna og sú skerðing á lífsgæðum sé meiri þegar sjúkdómur er virkur. Nýjustu rannsóknir leggja aukna áherslu á að skoða sálfélagslega þætti þessara einstaklinga, sérstaklega meðal yngri aldurshópa. Samkvæmt rannsóknum geta hjúkrunarfræðingar gegnt lykilhlutverki í að styðja þennan hóp með þátttöku í eftirliti og meðhöndlun þeirra t.d. með símaráðgjöf. Jafnframt geta þeir greint áhættuþætti fyrir versnanir á sjúkdómi og þróað með einstaklingum hjúkrunarmeðferð með áherslu á fyrirbyggjandi aðgerðir. Höfundar vonast til þess að skoðað verði betur hvaða bjargráð þessir einstaklingar geta nýtt sér til þess að vera betur í stakk búnir til þess að takast á við afleiðingar þessara sjúkdóma. Þar sem þessi hópur er orðinn mjög stór og fer vaxandi er líklegt að þróunin í nánustu framtíð byggi enn frekar undir þetta sérhæfða hlutverk hjúkrunarfæðinga í meðhöndlun þessara einstaklinga.
    Lykilorð: Bólgusjúkdómar í meltingarvegi, Crohn’s sjúkdómur, sáraristilbólga, lífsgæði, hjúkrun (hjúkrunarfræðingar).

  • Útdráttur er á ensku

    Inflammatory bowel diseases such as Crohn’s disease and Ulcerative Colitis are common chronic conditions of unknown etiology. These diseases typically have episodes of relapses with increased symptoms and episodes of remission were disease activity is minimal. It is well known that patients with these diseases have reduced quality of life but little research has been done on coping, selfcare and the role of the specialists nurse. The purpose of this literature review is to examine the effects of these diseases on patients quality of life including physical and psychosocial factors and what coping skills these patients have. It was also the purpose of this review to look at the role of nurse specialists in the care of these patients and examine wether nurses in Iceland could potentially increase their role in this care, both in the hospital and specialized clinics in private practice. The information was obtained through PubMed, Chinal, Scopus and Web of science. The results of this review demonstrate that quality of life is reduced in these patients due to physical and psychosocial symtoms and this quality of life reduction is more apparent during disease activity. Recent studies emphasize the need to examine psychosocial factors especially among the younger age groups. According to these studies nurse specialists can play a key-role in supporting these patients by participating in their care during clinic visits and also through telephone consultations. They can also analyse risk factors for disease relapse and develop individual nursing treatment with emphasis on preventive interventions. The authors of this review hope that future research will emphasize the ideas of selfcare and coping for these individuals so they can better adjust to the complications of these diseases. It is very likely that the role of nurse specialist in the care of these individuals will increase in the near future as the prevalance of these diseases is ever increasing.
    Key words: Inflammatory bowel disease, Crohn´s, Colitis Ulcerosa, quality of life, nursing (nurses), therapy.

Samþykkt: 
  • 19.5.2014
URI: 
  • http://hdl.handle.net/1946/18317


Skrár
Skráarnafn Stærð AðgangurLýsingSkráartegund 
Bólgusjúkdómar í meltingarvegi.pdf508.34 kBOpinnHeildartextiPDFSkoða/Opna