Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1850
Markmið verkefnisins er gera greinargóðan bækling fyrir kennara sem vilja kenna glerlist í grunnskólum. Það er engin námskrá til fyrir glerlist og verða kennarar þessarar greinar því að gera sér góða grein fyrir því hvaða markmiðum þeir vilja ná. Í þessari grein verður stuðst við Aðalnámskrá grunnskóla í myndmennt og hönnun og smíði, því þær greinar tengjast óneitanlega glerlist. Hönnun og smíði tengjast glerlistinni með þeim hætti að nemendur verða að kunna að nýta sér hönnunarferli og verkfæri líkt og í smíði. Myndmennt tengist á þann hátt að nemendur verða að hafa gott innsæi í skreytingargerð og litafræði. Markmiðin verða síðan tengd við verkefnabanka með kennsluverkefnum fyrir 5. -7. bekk. Það er lítið til af námsefni í þessu fagi á íslensku og þess vegna var sú ákvörðun tekin að gera þetta verkefni.
Ný aðalnámskrá tók gildi nú á árinu 2007 og verður reynt að varpa ljósi á þær áherslur sem þar koma fram og fjalla um hvernig best sé að nýta þær í glerlistakennslu. Með þessi markmið til hliðsjónar var settur saman verkefnabanki í þeim tilgangi að auka fjölbreytni byrjenda í verkefnavali í glerlist. Í verkefnabankanum má finna verkefni, sem taka til hinna ýmsu þátta eins og fjöldaframleiðslu, hugmynda- og hönnunarvinnu, vettvangsferðatengd verkefni, hönnun nytjahluta og samþættingar námsgreina.
Lykilorð: Hönnun glerhluta.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
skil.pdf | 1.24 MB | Opinn | Heildartexti | Skoða/Opna |