ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1857

Titill

Fjölbreyttir og einstaklingsmiðaðir kennsluhættir í fjölhæfum bekk

Útdráttur

Í þessu lokaverkefni til meistaragráðu í menntunarfræðum við Kennaraháskóla Íslands er fjallað um fjölbreytta og einstaklingsmiðaða kennsluhætti í fjölhæfum bekk. Gengið er út frá því að undirstaða þess að hægt sé að einstaklingsmiða kennslu sé að kennarar hafi skilning á því hvernig börn læra. Í þeim tilgangi eru einstaklingsmiðaðir og fjölbreyttir kennsluhættir settir í samhengi við fræði sem kennd hafa verið við hugsmíði og rannsóknir sem byggja á svipuðum fræðum. Loks er fjallað um einstaklingsmiðun út frá ýmsum sjónarmiðum. Niðurstöður eru þær að börn læri með því að máta nýja þekkingu við fyrri reynslu. Reynsluna öðlast börn í því menningarlega umhverfi sem þau alast upp við. Þannig búa nemendur að ólíkri reynslu. Þess vegna er ekki hægt að ætlast til þess að öll börn stundi nám og skili verkefnum á sama hátt. Kennarar verða að gefa börnum tækifæri til að vinna á eigin forsendum úr reynslu sinni og viðurkenna aðferðir þeirra. Rannsóknir sýna að börn nota fjölbreyttar leiðir við nám og ætti því að bjóða fleiri leiðir í skólastofunni til að börn geti valið milli námsleiða eða notað fleiri samtímis. Einstaklingsmiðuð kennsla felst í því að hver einstaklingur fær tækifæri til að læra á sínum forsendum en í samvirkni með öðrum börnum og með stuðningi kennara. Þegar kennari ætlar að meta þarfir nemenda sinna og einstaklingsmiða kennsluna í framhaldi af því er mikilvægt að hlusta á raddir barnanna. Þannig kynnist hann þeim og getur metið námslegar þarfir þeirra. Þegar meta á framvindu nemenda er nauðsynlegt að nota fjölbreytt námsmat. Kennari metur starf sitt með því að skoða það út frá nemendum. Ef nemendur eru glaðir og sökkva sér ofan í verkefni sín er hægt að draga þá ályktun að tekist hafi að einstaklingsmiða kennsluna. Lykilatriði í einstaklingsmiðaðri kennslu eru fjölbreyttir kennsluhættir þar sem hver og einn nemandi finnur þær námsleiðir sem henta honum. Á grunni þessa verkefnis verður gefin út handbók og vefur fyrir kennara sem vilja einstaklingsmiða kennslu sína.
Lykilorð: Fjölbreyttir kennsluhættir, einstaklingsmiðun.

Athugasemdir

M.Ed. í menntunarfræði

Birting
4.9.2008


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
margret_asgeirsd_m... .pdf573KBOpinn Heildartexti PDF Skoða/Opna