Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1869
Flestar hugmyndir sem komið hafa fram um sjálfsmynd, sjálfsálit og sjálfstraust benda til þess að það skipti máli að hafa góða sjálfsmynd þegar kemur að námsárangri þar sem líkurnar á að ganga vel í námi séu meiri en ella ef sjálfsmyndin er góð. Hvort sem leitað er eftir áliti kennara eða leitað á veraldavefnum virðist sem flest bendi einmitt til þess að svo sé og þær hugmyndir eru uppi að hægt sé að setja samasemmerki á milli hárrar sjálfsmyndar og velgengni. En er það raunin? Baumeister, Campbell, Krueger og Vohs gerðu árið 2003 könnun á þeim rannsóknum sem áður höfðu verið gerðar á sjálfsáliti og m.a. sambandi þess við námsárangur og félagslega stöðu einstaklinga og komust að því gagnstæða, þ.e. að mjög lítil fylgni væri á milli þess að hafa gott sjálfsálit og að ganga vel í skóla eða hafa góða félagslega stöðu. Í þessari ritgerð eru skoðuð ýmis nýleg skrif um sjálfsmynd, sjálfsálit og sjálfstraust og reynt að komast til botns í hinum misvísandi skilaboðum. Þá eru könnuð viðhorf tveggja kennara til málsins. Meginniðurstaðan er sú að það skipti ekki máli að efla sjálfsálit í þeim tilgangi eingöngu að auka námsárangur. Þeim nemendum sem hafa sterkt sjálfsálit gengur ekki endilega betur í námi en þeim nemendum sem hafa veikt sjálfsálit. Sjálfstraust er hins vegar mikilvægur lykill að námsárangri.
Lykilorð: Námsárangur, sjálfsálit.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
SigridurB.Edapril20.pdf | 726.91 kB | Opinn | Heildartexti | Skoða/Opna |