is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18827

Titill: 
  • Viðhorf kvenna til þjónustu í meðgönguvernd og í aðdraganda fæðingar
Námsstig: 
  • Bakkalár
Útdráttur: 
  • Rannsókn þessi er lokaverkefni til B.Sc.-gráðu í hjúkrunarfræði við Háskólann á Akureyri.
    Tilgangur rannsóknarinnar var að hanna, þróa og forprófa spurningalista í samstarfi við leiðbeinanda. Spurningarnar snúa að upplifun kvenna af þjónustu í meðgönguvernd og í
    aðdraganda fæðingar. Standa væntingar til þess að hægt verði að þróa hann áfram svo hann megi nýtast til að meta gæði þjónustu við verðandi mæður.
    Rannsóknin var megindleg og notast var við lýsandi tölfræði. Alls voru 55 konur, valdar með þægindaúrtaki, beðnar um að taka þátt í forprófuninni. Tveir spurningalistar voru ógildir sökum ófullnægjandi svörunar, en skilyrði fyrir þátttöku voru þau að konurnar hefðu átt barn á árunum 2009-2014, hefðu hringt á fæðingardeild í aðdraganda fæðingar og ekki farið í fyrirfram ákveðinn keisara. Notast var við forritið SPSS við tölfræðilega úrvinnslu gagna.
    Ítarleg heimildaleit var gerð í upphafi rannsóknarinnar til þess að fá víðtæka mynd af viðfangsefninu, en flestar þær rannsóknir sem rannsakendur fundu um viðfangsefnið voru eigindlegar. Að ganga með og fæða barn er mikil lífsreynsla fyrir flestar konur en gæði þeirrar þjónustu sem konur fá í meðgönguvernd og í aðdraganda fæðingar getur haft mikil áhrif á upplifun þeirrar. Mikilvægt er að fagfólk sem kemur að þjónustu við verðandi mæður veiti faglega umhyggju, fræðslu, styrk og sinni þörfum hverrar konu á einstaklingsmiðaðan hátt.
    Niðurstöður rannsóknarinnar leiddu í ljós nokkra galla á spurningalistanum, en orðalagi var ábótavant í nokkrum spurningum. Ein spurninganna var tvíræð og önnur var tvíþætt og eins kom í ljós að spurningalistinn hentar ekki öllum konum sem eignast börn fyrir tímann. Því er nauðsynlegt að þróa spurningalistann frekar til að hann megi vera nothæfur í framtíðarrannsóknum.
    Forprófun er mikilvægur þáttur í þróun spurningalista svo móta megi áræðanlegt mælitæki sem getur nýst til mats á gæðum. Því er nauðsynlegt að þróa og endurbæta spurningalistann og forprófa hann aftur svo hann geti nýst til þess að bæta gæði þeirrar
    þjónustu sem veitt er í meðgönguvernd og í aðdraganda fæðingar.

    Lykilhugtök: Meðganga, ljósmóðir, hríðir, umhyggja og spurningalisti.

Athugasemdir: 
  • Læst til 14.6.2024
Samþykkt: 
  • 16.6.2014
URI: 
  • http://hdl.handle.net/1946/18827


Skrár
Skráarnafn Stærð AðgangurLýsingSkráartegund 
B.Sc. prenthæft eintak.pdf1.23 MBLokaður til...14.06.2024PDF