Rannsókn á starfsumhverfi umsjónarmanna frístundaheimila

Abstract

Viðfangsefni þessarar rannsóknarritgerðar er starfsumhverfi umsjónarmanna frístundaheimila og er rannsóknin unnin með það að markmiði að skapa hagnýta þekkingu sem gagnast við að efla og styðja við þá þætti sem umsjónarmenn telja að styðji við faglegt starf. Í því ljósi er leitast við að svara eftirfarandi spurningu: Hvaða þættir starfsumhverfis umsjónarmanna frístundaheimila hafa hvað mest áhrif á starfsánægju þeirra og afköst í starfi?Á vordögum 2013 var send könnun á alla verkefnastjóra frístundaheimila á höfuðborgarsvæðinu. Í þeirri rannsókn var lögð áhersla á að kanna álag í starfi og samráð við aðra aðila. Hugmyndin var meðal annars að athuga hvort munur væri á viðhorfum þeirra sem hafa samráð við ólíka aðila. Niðurstöður gefa meðal annars til kynna að umsjónarmenn frístundaheimila njóta góðs af hvers konar samráði, hvort sem er við aðra umsjónarmenn, skólastjórnendur eða aðra.Ég vona að niðurstöður rannsóknarinnar muni gera mér kleift að draga ályktanir um hvað mætti gera til að bæta starfsumhverfi umsjónarmanna, með það fyrir augum að auka starfsánægju þeirra og afköst.