is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19311

Titill: 
  • Glatað fé eða fundið? Miðaldra og eldra fólk í starfi
Námsstig: 
  • Meistara
Útdráttur: 
  • Á næstu árum og áratugum mun þörfin fyrir starfskrafta þeirra sem komnir eru yfir miðjan aldur aukast. Fólk lifir almennt lengur og býr lengur við góða heilsu á sama tíma og fæðingartíðni lækkar (Ingi Rúnar Eðvarðsson, 1999). Þá má sjá á mannfjöldaspá Hagstofu Íslands (e.d.) að eldra fólki fjölgar örar en ungu fólki. Þegar hlutfall eldri starfsmanna eykst með þessum hætti skapast ákveðinn vandi. Fjöldi þeirra sem lætur af störfum sökum aldurs fer smám saman vaxandi og margir hætta jafnvel samtímis (Skoglund og Skoglund, 2007). Víða í Evrópuríkjunum virðist það síðan færast í vöxt að fólk láti af störfum áður en eftirlaunaaldri er náð, jafnvel þótt það sé við góða heilsu og vel vinnufært (Tillaga til þingsályktunar um nýjar reglur um starfslok og starfsréttindi nr. 44/1988). Margt bendir til að þróunin verði á sama veg hér á landi, verði ekkert að gert (Ingi Rúnar Eðvarðsson, 1999). Í þessu felst töluverð áskorun fyrir stjórnendur framtíðar. Á sama tíma og ráða þarf nýtt starfsfólk er nauðsynlegt að tryggja kerfisbundna yfirfærslu þekkingar og reynslu eldri starfsmanna. Í sumum tilvikum getur einnig verið mikilvægt fyrir stjórnendur að halda sem lengst í reynslumikið starfsfólk og hafa þá til þess réttu verkfærin.
    Markmið þeirrar rannsóknar sem hér er lögð fram er að auka þekkingu og skilning á þessum verðmæta starfsmannahópi, 50 ára og eldri. Sömuleiðis að setja fram tillögur sem nýtast mega sem verkfæri við stjórnun starfsmannamála, þar sem tekið er mið af þörfum þessa hóps. Lagt var upp með að kanna viðhorf starfsfólksins sjálfs, hvernig það upplifir sig í starfi og vinnuumhverfi sitt, til að komast að því hvað hvetur það og stuðlar að starfsánægju þess. Eigindleg rannsóknaraðferð var notuð til að fá svör við rannsóknarspurningunum og var nálgunin fyrirbærafræðileg. Tekin voru hálfopin viðtöl við átta einstaklinga á aldrinum 50 til 63 ára og var við val á þátttakendum stuðst við snjóboltaaðferðina.
    Helstu niðurstöður sýna að vinnuumhverfið, þar með talið starfið sjálft og verkefnin, stuðningur stjórnenda og samskipti við samstarfsmenn, leika stórt hlutverk þegar hvetja á miðaldra og eldra fólk í starfi.

  • Útdráttur er á ensku

    The numbers of middle aged and older workers in the labour market will increase significantly in the coming years and decades. The number of people who will leave work due to reaching retirement age will also gradually increase. This entails a considerable challenge for future managers, not in least due to the prejudice and traditional images the society has about this age group. Although new employees are needed, the systematic transfer of knowledge and professional experiences of these people to the future workforce must be ensured. In some cases, being able to hold on to experienced employees for as long as possible and having the correct tools for this purpose may also be important to managers.
    The aim of this research is twofold: Firstly, it is meant to increase knowledge and understanding of this valuable group of employees. Secondly, to put forth proposals, which may be used as tools in age related personnel administration and take the needs of this group of people into account.
    Employees were asked to describe their own attitudes, how they experience their jobs and their working environment, in order to pinpoint exactly what motivates them and contributes to their job satisfaction. The working experience, knowledge and competence of people in this age group was also looked into, whether it had any weight and in what way.
    Qualitative research method was used in order to receive answers to research questions with regard to phenomenography. Open-ended interviews were conducted with eight individuals between 50 to 63 years of age and the snowball sample was used in selecting participants.
    The main results indicate that the working environment, including the job itself and the assignments, managerial support and communication with co-workers, play a large role in encouraging older workers in their jobs.

Athugasemdir: 
  • Ritgerðina má ekki afrita né nýta á nokkurn hátt nema með leyfi höfundar.
Samþykkt: 
  • 8.8.2014
URI: 
  • http://hdl.handle.net/1946/19311


Skrár
Skráarnafn Stærð AðgangurLýsingSkráartegund 
Jóna Valborg Árnadóttir.pdf931.65 kBOpinnHeildartextiPDFSkoða/Opna

Athugsemd: Ritgerðina má ekki afrita né nýta á nokkurn hátt nema með leyfi höfundar.