is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19324

Titill: 
  • Áhrif þess hvenær tjónþoli leitar læknis í kjölfar slyss á sönnun orsakatengsla milli líkamstjóns og slysatburðar
Námsstig: 
  • Bakkalár
Útdráttur: 
  • Mikil fjölgun hefur verið á málum á sviði skaðabótaréttar á síðustu árum. Einstaklingar virðast vera meðvitaðri um rétt sinn og settar hafa verið á fót lögfræðistofur sem sérhæfa sig í málaflokknum. Vegna fjölgunar skaðabótamála hafa komið til úrlausnar ný álitaefni á þessu sviði réttarins. Umfjöllunarefni ritgerðarinnar er meðal þessara nýju álitaefna. Kemur til skoðunar áhrif þess hvenær tjónþoli leitar læknis eftir slys á sönnun orsakatengsla milli líkamstjóns og slyss, og hvort viðmiðunarregla sé í mótun varðandi þetta tímamark læknisheimsókna. Lítið er um skrif fræðimanna um þennan þátt sönnunarmatsins í dómsmálum á sviði skaðabótaréttar. Verður því að skoða dómaframkvæmd í slíkum málum til þess að varpa ljósi á þennan þátt. Í öðrum kafla verður fjallað um skilyrði skaðabótaábyrgðar með sérstakri áherslu á orsakatengsl. Í þriðja kafla verður fjallað um sönnun orsakatengsla, framkvæmd mats á orsakatengslum og þau gögn sem stuðst er við. Í fjórða kafla verður leitast við að varpa ljósi á hvort dómstólar líti til tímamarks læknisheimsóknar tjónþola við sönnun á orsakatengslum milli heilsufarslegra afleiðinga og slysatburðar. Ef svo reynist vera verður fjallað um hvort ákveðin viðmiðunarregla sé í mótun hjá dómstólum um hversu langt má líða frá slysi þar til tjónþoli leitar læknis án þess að það hafi áhrif á sönnunarmat. Verða þessi álitaefni skoðuð með því að rýna í dómaframkvæmd Hæstaréttar Íslands og héraðsdóma þar sem við á.

Samþykkt: 
  • 15.8.2014
URI: 
  • http://hdl.handle.net/1946/19324


Skrár
Skráarnafn Stærð AðgangurLýsingSkráartegund 
BA-ritgerðin.pdf245.93 kBOpinnMeginmálPDFSkoða/Opna
ForsíðaKlara.pdf140.38 kBOpinnForsíðaPDFSkoða/Opna