is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19369

Titill: 
  • Einkasafn Péturs Arasonar og Rögnu Róbertsdóttur: Söfnun og sýningarhald á alþjóðlegri myndlist á Íslandi
Námsstig: 
  • Meistara
Útdráttur: 
  • Þessi ritgerð fjallar um einkasafn Péturs Arasonar og Rögnu Róbertsdóttur en safn þeirra af myndlistarverkum er það stærsta í einkaeigu á Íslandi og jafnframt eitt stærsta safn erlendrar samtímamyndlistar í landinu, þ.e. stærra en í safneign opinberu safna landsins. Í safni Péturs og Rögnu eru verk eftir fremstu listamenn konsept- og mínímal-listar sem komu fram á sjöunda áratugi 20. aldar auk fjölda annarra erlendra og íslenskra listamanna. Í ritgerðinni er söfnunarsaga Péturs og Rögnu rakin frá því þau hófu að safna list á áttunda áratugnum en samfara söfnun hafa þau að auki verið ötul í að standa að sýningarhaldi og hafa haldið úti nokkrum ólíkum sýningarrýmum frá árinu 1988. Fjallað er um hvert sýningarrými fyrir sig en sérstakri athygli er beint að Safni sem þau ráku í samstarfi við Reykjavíkurborg frá 2003- 2007. Þar var einkasafn þeirra gert aðgengilegt almenningi og mikil áhersla lögð á að tefla saman innlendri og erlendri myndlist. Rannsóknarspurningar sem liggja ritgerðinni til grundvallar eru tvær; annars vegar er leitast við að varpa ljósi á þau áhrif sem einkasafnari getur haft í listsögulegu samhengi og hins vegar er svara leitað við því hvaða þýðingu það hefur að safna erlendri samtímalist á Íslandi og sýna í samhengi við verk íslenskra listamanna.

Samþykkt: 
  • 25.8.2014
URI: 
  • http://hdl.handle.net/1946/19369


Skrár
Skráarnafn Stærð AðgangurLýsingSkráartegund 
Heimildaskrá.pdf107.38 kBOpinnHeimildaskráPDFSkoða/Opna
MA-ritgerð_Edda Halldórsdóttir.pdf9 MBOpinnMeginmálPDFSkoða/Opna
Viðaukar.pdf189.53 kBLokaður til...01.01.2134ViðaukiPDF