is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1939

Titill: 
  • Orðaforði barna : þróun orðaforðans og þættir er hafa áhrif á vöxt hans
Námsstig: 
  • Bakkalár
Útdráttur: 
  • Hvar værum við stödd ef við kynnum engin orð? Samfélag manna eins og við þekkjum það byggir á orðum. Við notum orð í samskiptum okkar við annað fólk; í námi, leik og starfi, til að tjá okkur og til að skilja aðra. Orð sem við kunnum og orð sem við lærum setjum við í geymslu sem er okkur aðgengileg þegar við þurfum á orðum okkar að halda. Þessi geymsla nefnist orðaforði og við erum allt okkar líf að bæta nýjum orðum þar inn. Viðfangsefni þessa ritgerðar er að varpa ljósi á vöxt orðaforða barna, helstu áhrifavöldum í vexti hans og hvernig hann þróast frá fyrstu orðum og fram til fyrstu skólaára þeirra. Við munum leitast við að svara spurningunni: ,,Hvernig þróast orðaforði barna og hvað er það sem hefur áhrif á vöxt hans?“
    Ritgerðin er heimildaritgerð, byggð að mestu á erlendum heimildum, bókum og tímaritsgreinum. Efni er einnig sótt í íslensk fræði þó ekki í jafn miklu mæli því enn sem komið er, er því miður ekki mikið af íslensku efni að finna hvað varðar orðaforða barna og þróun hans. Þrátt fyrir það er eftir fremsta megni reynt að færa rannsóknir og niðurstöður þeirra yfir á íslenskar aðstæður til að gera efninu betur skil fyrir hinn íslenska lesanda. Markmið ritgerðarinnar er að gera lesendum grein fyrir mikilvægi orðaforðans í notkun tungumálsins á áhugverðan og einfaldan hátt.
    Ritgerðin hefst á umfjöllun um tungumál, málþroska, helstu þætti hans og áhrif þeirra á þróun orðaforðans. Því næst er vikið að fyrstu orðum barna og í beinu framhaldi farið út í frekar vöxt orðaforðans. Þar verður rætt um stækkun orðaforðans og breytingar á samsetningu hans. Umhverfi barna spilar veigamikið hlutverk í þróun orðaforða. Mikilvægum áhrifum úr umhverfi þeirra verða gerð ítarleg skil og fjallað um þátt fjölskyldunnar, félagslegrar stöðu og lesturs bóka. Að endingu verða lagðar til aðferðir sem hægt er að nota til að auka orðaforða leikskóla- og grunnskólabarna.

Athugasemdir: 
  • Grunnskólabraut
Samþykkt: 
  • 22.9.2008
URI: 
  • http://hdl.handle.net/1946/1939


Skrár
Skráarnafn Stærð AðgangurLýsingSkráartegund 
(Microsoft Word - Ritgerd i heild sinni.pdf463.56 kBLokaðurHeildartextiPDF
Microsoft Word - Heimildaskra.pdf110 kBOpinnHeimildaskráPDFSkoða/Opna