Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19440
Góðtemplarareglan á Íslandi, barátta hennar fyrir bindindi og áhrif þess starfs á félags- og menningarlíf í landinu er viðfangsefni þessarar rannsóknar. Hugmyndalegur jarðvegur bindindishreyfinga á Norðurlöndum og á Íslandi er metinn og þær samfélagsaðstæður sem tryggðu fylgi við áherslur góðtemplara á Íslandi. Varpað er ljósi á útbreiðslu stúkna, innra starf þeirra og þau gildi sem þar var miðlað, svo og á meðlimina, karla og konur.
Góðtemplarareglan sem mótunarafl er hér í brennidepli og orðræða siðferðilegrar ögunar í ljósi kenninga franska heimspekingsins Michel Foucault um stjórnvaldstæknina og lífvaldið. Sýnt er fram á hvernig bindindisbarátta góðtemplara með borgaralegar hugmyndir frjálslyndisstefnu og sterka mótunarhyggju í bakgrunni varð að drifkrafti. Einnig hvernig starfið innan stúknanna og mótun meðlima ýtti undir lýðræðislegt uppeldi alþýðu og opnaði farveg félagslegrar virkni og menningarstarfs. Sem yfirlýstur vettvangur jafnréttis áttu stúkurnar - og stúkubræður með afstöðu sinni til stúkusystra, þátt í að efla félagsþrótt kvenna, virkni þeirra og framgang á opinberum vettvangi. Hér er einnig dregið fram hvernig orðræða góðtemplara um áfengið sem "eitur" gekk þvert í gegnum samfélagið og hafði afgerandi áhrif á afstöðu Íslendinga til áfengismála.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Godtemplarar_Ahrif.pdf | 1.48 MB | Opinn | Heildartexti | Skoða/Opna |