is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19490

Titill: 
  • Meistaranám í markaðsfræði við Háskólann í Reykjavík. Vörumerkjarýni
Námsstig: 
  • Bakkalár
Útdráttur: 
  • Markaðssetning á háskólum hefur aukist undanfarin ár vegna aukinnar samkeppni þeirra. Mikið flæði upplýsinga um háskóla gerir val neytenda enn erfiðara en áður þegar kemur að því að velja skóla. Með notkun fyrirtækjavörumerkja til að auðkenna háskóla geta þeir aðgreint sig frá samkeppninni og byggt upp virði með notkun vörumerkisins. Vörumerkjavirði hefur í för með sér fjárhagslegan ávinning og eykur skilvirkni markaðsstarfs. Vörumerkjavirði felst í því að byggja upp sterkt vörumerki sem neytendur þekkja og hafa jákvæðar, sterkar og einstakar tengingar við. Val á vöruauðkennum, markaðsstarf og hugrenningatengsl við önnur vörumerki hafa áhrif á uppbyggingu vörumerkjavirðis. Vörumerkjarýni er ítarleg úttekt á vörumerki og uppsprettum vörumerkjavirðisins þar sem sýn fyrirtækisins (innri rýni) er borin saman við sýn neytenda (ytri rýni) á uppsprettum vörumerkjavirðisins.
    Í þessari rannsókn var vörumerkjavirði meistaranámsins í markaðsfræði við Háskólann í Reykjavík greint ítarlega með eigindlegum og megindlegum rannsóknaraðferðum. Fyrirliggjandi gögn voru greind og hálf-stöðluð viðtöl voru tekin við fjóra stjórnendur Háskólans í Reykjavík við framkvæmd innri rýninnar. Notuð var tengd gagnaöflun við framkvæmd ytri rýninnar. Framkvæmd var forathugun í formi hálf-staðlaðra viðtala við 12 einstaklinga og þá var spurningalisti lagður fyrir sem byggðist á niðurstöðum forathugunarinnar. Fjöldi þeirra sem svöruðu spurningakönnuninni voru 109 Íslendingar sem hafa áhuga á markaðsfræði, 55 karlar og 54 konur, flestir á aldrinum 31-35 ára. Aðferðafræði Martin Collins var notuð við úrvinnslu niðurstaðna úr spurningakönnun.
    Niðurstöðurnar gefa til kynna að vitund um námið sé góð miðað við hversu nýtt það er en niðurstöður á ímyndarþáttum sýna að staðfærsla námsins hefur ekki skilað sér rétt til neytenda. Lagðar eru fram tillögur til úrbóta sem tengjast þeim þáttum staðfærslunnar sem höfðu ekki skilað sér til neytenda. Rannsókn þessi er mikilvæg fyrir stjórnendur Háskólans í Reykjavík þar sem að hún hjálpar stjórnendum að skilja sýn neytenda á hverjar uppsprettur vörumerkjavirðis námsins eru og hvaða þætti staðfærslunnar þurfi að leggja áherslu á til að staðfærslan skili sér rétt í huga neytenda og markaðsstarfið verði skilvirkara.

Samþykkt: 
  • 3.9.2014
URI: 
  • http://hdl.handle.net/1946/19490


Skrár
Skráarnafn Stærð AðgangurLýsingSkráartegund 
Meistaranám í markaðsfræði við Háskólann í Reykjavík - Vörumerkjarýni.pdf2.85 MBLokaður til...14.06.2064HeildartextiPDF