is Íslenska en English

Lokaverkefni (Bakkalár)

Háskólinn í Reykjavík > Tæknisvið / School of Technology > BSc Tölvunarfræðideild / Department of Computer Science >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19509

Titill: 
  • Mæling á sóun á vinnutíma notenda – Þróun aðferðar byggð á aðferðafræði straumlínustjórnunar
Námsstig: 
  • Bakkalár
Útdráttur: 
  • Notendaprófanir hafa verið framkvæmdar í áratugi, og mikið af prófunaraðferðum hafa verið skilgreindar síðan 1990. Þróun á prófunaraðferðunum hefur verið hröð, en mikið af aðferðunum leggur áherslu á að prófa hugbúnaðinn áður en hann er afhentur. Straumlínustjórnun („Lean management“) nýtur sívaxandi vinsælda um heim allan en aðferðin leggur mikla áherslu á að minnka sóun í framleiðslu á vörum. Straumlínustjórnun í hugbúnaðargerð nýtur einnig vaxandi vinsælda, en þar er markmiðið að minnka sóun við gerð hugbúnaðarkerfa. Markmið þessarar rannsóknar er tvíþætt, annars vegar felst það í að þróa prófunaraðferð, sem metur sóun á vinnutíma notenda, sem vinna við ákveðið hugbúnaðarkerfi. Við uppbyggingu aðferðarinnar verður notuð og aðlöguð skilgreining á sjö tegundum sóunar við framleiðslu hugbúnaðar. Þetta verður framkvæmt með þróun spurningalista. Hins vegar er markmið rannsóknarinnar að meta hversu vel aðferðin reynist. Þessu markmiði verður náð með því að leggja spurningalistann fyrir nemendur á fyrsta ári í Háskólanum í Reykjavík til að meta innra kerfi skólans, MySchool. Viðtöl verða tekin við þrjá nemendur sem svara listanum til að fá fram mat þeirra á spurningalistanum. Jafnframt verður tekið viðtal við starfsmann skólans til að meta hvernig prófunaraðferðin getur gagnast við endurbætur á MySchool kerfinu, og þar með hvernig aðferðin gagnast almennt við mælingar sem notaðar eru til grundvallar við endurbætur á kerfum. Niðurstöður sýndu að aðferðin virkaði vel og ekki er þörf á miklum endurbótum á henni. Nemendur voru ánægðir með spurningalistann og þá sérstaklega opnu spurningarnar. Starfsmaður háskólans var sammála nemendum um að opnu spurningarnar væru mjög gagnlegar. Hann taldi að prófunaraðferðin gæti nýst vel við endurbætur á kerfum. Það er því niðurstaða verkefnisins að þessi prófunaraðferð gæti nýst vel þegar endurbæta á kerfi og getur verið gott tól til að minnka sóun á vinnutíma notenda í kerfum, en fleiri dæmi þyrfti að taka um notkun aðferðarinnar til að fá enn betri grunn fyrir notkun hennar.

Samþykkt: 
  • 4.9.2014
URI: 
  • http://hdl.handle.net/1946/19509


Skrár
Skráarnafn Stærð AðgangurLýsingSkráartegund 
IngibjorgJohannsdottir_lokaskyrsla2014.pdf1 MBOpinnHeildartextiPDFSkoða/Opna