is Íslenska en English

Lokaverkefni (Meistara)

Háskólinn í Reykjavík > Tæknisvið / School of Technology > MEd/MPM/MSc Verkfræðideild (áður Tækni- og verkfræðideild) og íþróttafræðideild -2019 / Department of Engineering (was Dep. of Science and Engineering) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19539

Titill: 
  • Einkaframkvæmd við uppbyggingu íbúðabyggðar
Námsstig: 
  • Meistara
Leiðbeinandi: 
Útdráttur: 
  • Fyrsti áratugur þessarar aldar markaðist af mjög mikilli uppbyggingu íbúðabyggðar á höfuðborgarsvæðinu. Nýjung í samstarfi sveitarfélaga og landeigenda  einkaframkvæmd í uppbyggingu íbúðabyggðar - kann að skýra þessa miklu athafnasemi að hluta. Á tímabilinu 2002 til 2010 samþykktu fjögur stærstu sveitarfélögin kringum höfuðborgina deiliskipulag á yfir 700 hekturum lands undir liðlega 12.000 íbúðir fyrir 30-35.000 manna byggð. Með þessari skipulagningu má áætla að heildarfjárfesting í íbúðabyggðinni, sem grunnur var lagður að, verði um 550-600 milljarðar króna. Meginhluti byggingarlandsins, sem tekið var til skipulagningar í nágrannabyggðum Reykjavíkur, var í einkaeigu og á 15 ára tímabili frá aldamótum mun um þriðjungur íbúa í Garðabæ, Kópavogi og Mosfellsbæ hafa tekið sér búsetu á áður óskipulögðu einkalandi. Samið var um uppbyggingu í einkaframkvæmd á um helmingi þess lands og samningar sem taka til stærsta hluta þess fela í sér beina kostnaðarþátttöku einkaaðila í félagslegum innviðum. Slíkir innviðir höfðu áður almennt verið fjármagnaðir af skattfé og síðar með umframtekjum af sölu lóða og byggingarrétta á landi í eigu sveitarfélaganna. Margir samverkandi þættir kringum aldamótin, eins og viðskipti einkaaðila með væntanlegt byggingarland, markaðsvæðing Reykjavíkurborgar við sölu byggingarrétta, hækkandi fasteignaverð og skortur á byggingarlandi, leiddu til þess að verð á landi kringum höfuðborgina margfaldaðist. Skipulagning, uppbygging og sala byggingarrétta á landi í einkaeigu á höfuðborgarsvæðinu losar um mikið fjármagn til landeigenda þar sem verðmæti lands er almennt á bilinu 10-20% af heildar fjárfestingunni í nýrri íbúðabyggð. Einkaframkvæmd felur í sér mikla tilfærslu á áhættu og ábyrgð yfir á einkaaðila án þess að ávinningur sveitarfélaga af uppbyggingunni skerðist. Rannsókn þessi skoðar grundvöllinn fyrir einkaframkvæmd við uppbyggingu íbúðabyggðar. Einnig bakgrunn og hvatann að þessu fyrirkomulagi, verkaskiptingu, ávinning, ábyrgð og áhættu því tengt. Jákvæð afstaða forsvarsmanna sveitarfélaga er leidd fram í viðtalsrannsókn og því svarað hvort einkaframkvæmd við uppbyggingu íbúðabyggðar sé vænlegur kostur sem er kominn til að vera.

Styrktaraðili: 
  • GLL ehf.
    Expendo AB.
Samþykkt: 
  • 4.9.2014
URI: 
  • http://hdl.handle.net/1946/19539


Skrár
Skráarnafn Stærð AðgangurLýsingSkráartegund 
EINKAFRAMKVÆMD VIÐ UPPBYGGINGU ÍBÚÐABYGGÐAR.pdf794.18 kBLokaður til...12.05.2024HeildartextiPDF