Samtal við samfélag: Útgáfa og ritstjórn Stúdentablaðsins veturinn 2010-2011

Abstract

Greinargerðin sem hér fer á eftir er lögð fram, ásamt fimm tölublöðum Stúdentablaðsins sem út komu veturinn 2010-2011 sem lokaverkefni til MA-prófs í hagnýtri menningarmiðlun við Háskóla Íslands. Í greinargerðinni er skýrt frá þeim sjónarmiðum sem réðu för bæði hvað varðar verklag og framkvæmd, svo sem fjármál, prentun, samskipti við ritstjórn og Stúdentaráð en ekki síður þeim sjónarmiðum sem réðu för hvað varðar útlit blaðsins. Meginefni greinargerðarinnar er þó umfjöllun um ritstjórnarstefnu og efnistök svo og eftir atvikum leitast við að setja ákvarðanir ritstjórnar í víðara samhengi.