Skiptir stærðin máli? Úttekt á kostum og göllum sameininga sveitarfélaga

Abstract

Helstu efnisþættir þessa 12 eininga lokaverkefnis til BA gráðu í stjórnmálafræði eru hvort skynsamlegra sé að fara í sameiningar sveitarfélaga og þá að skylda sveitarfélög til þess að sameinast, eða að leyfa íbúum að kjósa um sameiningar. Skoðað er skuldahlutfall sveitarfélaga, kjörsókn í sveitarstjórnarkosningunum 2014 útfrá stærð sveitarfélaga.Niðurstöður höfundar gefa til kynna að því minni sem sveitarfélög eru, því meiri líkur eru á því að skuldir séu minni og að kjörsókn sé hærri. Þau atriði eru bæði þættir sem vert er að skoða. Skuldahlutfallið var sett á til að koma böndum á fjárhag sveitarfélaga og þessi athugun sýnir að minni sveitarfélög standa sig betur í því að halda sig undir því viðmiði. Þó er það svo að ekkert mat á þjónustu sveitarfélaga fer fram í þessari athugun. Auk þess kom fram hér að framan að ýmsir stigu fram eftir síðustu sveitarstjórnarkosningar, sem fóru fram 31. maí 2014, og lýstu yfir áhyggjum af minnkandi kjórsókn en hér hefur verið fjallað um að kjörsókn er mun betri í minni sveitarfélög heldur en þeim stóru.