Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1964
Þessi ritgerð byggir á niðurstöðum eigindlegrar rannsóknar (tilviksrannsóknar)
sem gerð var veturinn 2007 – 2008. Tilgangurinn var að kanna stöðu lífsleikni í
fjórum íslenskum framhaldsskólum. Markmiðið var að skoða í hvaða farveg
lífsleiknikennslan hefur fallið. Gengið er út frá ákveðinni flokkun í því sambandi.
Gagnaöflun samanstóð af viðtölum við skólameistara og lífsleiknikennara
skólanna, alls 10 einstaklinga. Þá voru skoðaðir textar aðalnámskrár,
kennsluáætlana og námsefnis. Helstu niðurstöður eru þær að megináhersla sé
lögð á félagsþroska- og tilfinninganám í bland við þegnskaparmenntun og
skapgerðarmótun. Vissrar tilhneigingar virðist gæta í þá átt að auka þátt
þegnskaparmenntunar sé mið tekið af tillögum að endurskoðun aðalnámskrár.
Niðurstöðurnar geta bent til þess að auka þurfi vægi hins siðferðilega sjónarmiðs,
þ.e. mannræktar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaritgerð.pdf | 395.88 kB | Opinn | Lífsleikni - heild | Skoða/Opna |