is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/19666

Titill: 
  • Hlutverk aðstoðarskólastjóra sem kennslufræðilegir leiðtogar í grunnskólum
  • Titill er á ensku Instructional leadership role of compulsory school assistant principals in Iceland
Námsstig: 
  • Meistara
Leiðbeinandi: 
Útdráttur: 
  • Markmið rannsóknarinnar var að skoða starf aðstoðarskólastjóra í grunnskólum á Íslandi og öðlast skilning á hlutverki og skyldum þeirra sem kennslufræðilegir leiðtogar. Rannsóknir á starfi aðstoðarskólastjóra eru almennt af skornum skammti og á það einnig við á Íslandi. Því er ljóst að þörf er fyrir slíka rannsókn. Rannsóknarspurningin sem lá til grundvallar rannsókninni var: Hvaða hlutverk og skyldur er aðstoðarskólastjórum falið sem kennslufræðilegir leiðtogar í grunnskólum á Íslandi?
    Stuðst var við blandaða rannsóknaraðferð (e. mixed method research). Rannsóknin byggir annars vegar á greiningu á fyrirliggjandi megindlegum gögnum og hins vegar á eigindlegri viðtalsrannsókn þar sem tekin voru átta viðtöl við aðstoðarskólastjóra í heildstæðum grunnskólum í sex sveitarfélögum á suðvesturhluta landsins.
    Niðurstöður rannsóknarinnar gefa vísbendingar um almennt hlutverk aðstoðarskólastjóra í grunnskólum á Íslandi auk þess sem þær varpa ljósi á hversu mikið aðstoðarskólastjórar sinna kennslufræðilegri forystu. Niðurstöðurnar virðast benda til þess að almenn ánægja sé með starfshætti aðstoðarskólastjóra og einnig upplifa þeir sjálfir jákvætt viðhorf gagnvart sjálfum sér. Hlutverk aðstoðarskólastjóra er mjög fjölbreytt. Flestir aðstoðarskólastjóranna sjá um forföll og mikill tími fer í fundarhöld og að sinna agamálum. Aðstoðarskólastjórarnir fylgjast lítið sem ekkert með kennslu á vettvangi en almennt finnst þeim þeir hafa jákvæð áhrif á kennsluhætti og námsárangur nemenda. Aðstoðarskólastjórarnir leggja áherslu á traust og góð samskipti. Þau málefni sem kennarar ræða við aðstoðarskólastjóra eru af fjölbreyttum toga en aðallega ræða þeir um agamál, námslega getu nemenda og samskipti við foreldra.
    Helstu niðurstöður eru í takt við fyrri rannsóknir þar sem kemur fram að fjölbreytileiki starfsins er mjög mikill og að í núverandi skipulagi er lítill tími eftir fyrir kennslufræðilega forystu. Stjórnunarleg verkefni virðast halda aðstoðarskólastjórunum frá kennslustofunni og námsefninu. Flestir aðstoðarskólastjóranna segjast hafa mikinn áhuga á að sinna kennslufræðilegri forystu frekar en að að vinna að verkefnum sem innihalda stjórnun eða agamál.

  • Útdráttur er á ensku

    The purpose of this study was to investigate the worklives of compulsory school assistant principals in Iceland and gain an understanding of their instructional leadership role. More research is needed in this area, especially in Iceland. The research question was: What instructional leadership roles are performed by compulsory school assistant principals in Iceland?
    The data was collected with both quantitative and qualitative methods. The quantitative data was collected as a part of another study, but further analyzed in this study. Individual interviews were conducted with eight assistant principles in compulsory schools with grades 1-10 in six municipalities in the south western part of Iceland.
    The results provide information about the roles of assistant principles in Iceland and how involved they are in instructional leadership. There seems to be general satisfaction with the work of assistant principals and they also sense this positive attitude towards their work. The roles of assistant principals are very diverse; most of their time is spent on attendance, meetings and student discipline. They spend minimum time observing teaching in the classroom but generally believe they have a positive impact on teaching and student achievement. The assistant principals emphasize trust and good communication as positive organizational qualities. Teachers discuss a variety of matters with the assistant principals, but their biggest issues of concern are student discipline, student learning and parent communications.
    These findings are consistent with existing research on the role of assistant principles. Their duties are variable but they don’t have much time for instructional leadership. Administrative tasks seem to consume much of the assistant principles´ time, resulting in less time for classroom and curriculum work. Most of the assistant principals said that they preferred to exercise more instructional leadership at the expense of administrative duties or student discipline tasks.

Samþykkt: 
  • 10.9.2014
URI: 
  • http://hdl.handle.net/1946/19666


Skrár
Skráarnafn Stærð AðgangurLýsingSkráartegund 
RMV_Hlutverk aðstoðarskólastjóra sem kennslufræðilegir leiðtogar í grunnskólum.pdf941.67 kBOpinnHeildartextiPDFSkoða/Opna