is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1970

Titill: 
  • Að horfa og sjá
Námsstig: 
  • Meistara
Höfundur: 
Útdráttur: 
  • Í þessari meistaraprófsritgerð er fjallað um listskoðun með börnum. Megin markmið ritgerðarinnar er að afla og miðla hagnýtum upplýsingum sem gagnast þeim sem kynna vilja sér mikilvæga þætti í tengslum við listskoðun með börnum. Þessi skrif ættu að nýtast þeim sem vilja nýta listskoðun sem þátt í kennslu sinni, kennurum á öllum skólastigum, safnakennurum og kennaranemum.
    Rætt er um fyrstu hugmyndir sem fram komu um gildi listskoðunar fyrir börn í Evrópu og hvernig hugmyndir um listkennslu þróuðust á tuttugustu öldinni í Evrópu og Bandaríkjunum. Gerð er grein fyrir þróun vestrænnar myndlistar og umfjöllun um hana tengd þeim sögulega, menningarlega og félagslega veruleika sem hún er hluti af. Einnig er fjallað um uppeldis-, náms- og kennsluhugmyndir og hvernig þær hafa þróast gegnum tíðina. Ekki hefur verið skrifað mikið um listskoðun með börnum á íslandi og því var ákveðið að fjalla um þá sögulegu og menningarlegu þætti sem hafa áhrif á hugmyndir um hana. Umfjöllun um þessa þætti sem hér hafa verið nefndir ættu að geta gagnast öllum sem hafa áhuga á að nýta listskoðun í starfi sínu með börnum.
    Meðal helstu niðurstaðna er að samfélagsgerð og lífssýn manna á hverjum tíma hefur haft áhrif á þróun hugmynda um gildi listskoðunar. Má þar nefna þætti eins og samfélagsgerð, þarfir valdhafa, veraldlegra og kirkjulegra, hugmyndir um manninn, getu hans og eðli, aukin vitneskja um ýmsa hugræna og lífeðlislega þætti sem breytt hafa sýn á nám og kennslu og fleira. Ef skoðað er hvað einkennir hugmyndir manna um gildi listskoðunar með börnum í dag má skipta þeim í þrjá þætti: upplifunarkenningar, uppeldishugmyndir og hugmyndir sem byggjast á menningar- og félagslegum kenningum. Þetta eru ólíkar hugmyndir, en safnakennarar í dag telja almennt að uppfylla þurfi alla þessa þrjá þætti og taka tillit til þeirra. Margir hafa trú á gildi þess að skoða nútíma- og samtímalist með börnum og unglingum. Þetta séu verk sem veiti gjarnan nýja sýn á veruleikann, vekji menn til umhugsunar og séu kjörin til að velta fyrir sér ýmsum tilvistarlegum spurningum sem alla varða. Þó börnum sé miðlað listfræðilegri þekkingu hefur áhersla á hana minnkað. Fram kemur að safnakennurum finnst mikilvægast að safnaferð sé ánægjuleg og að börn eigi merkingarbæran fund við listaverkin, fund sem byggir á reynslu þeirra og áhuga og sem vekur þau til umhugsunar um eigin hugmyndir.

    This assignment is about looking at art with children. The main purpose is to gain useful informations for individuals who are interested in getting familiar with important issues around looking at art with children. My hope is that these informations might to be useful for anyone interested in integrating art-appreciation into their curriculum, teachers at all levels, museum staff and students.
    The assignment is about the content of the first ideas that appeared in Europe, about the value of looking at art with children and how ideas on art education evolved in the twentieth century in the United States. The reader gets a glimpse into the evolution of Western art, while I try to describe in brief words how art, the purpose of art, ideas on art and the value of art is all interwoven and a part of the periods historical, educational and sociological environment. Also in short, I write about ideas on pedagogy, childrens learning and teaching and how they have evolved. There hasn´t been much written about art pedagogy, ideas on looking at art with children and the value of it for children in Iceland. Therefore I decided to write about the subject in a wide perspective and try to get a picture of historical and social issus that has influenced ideas about the value of art pedagogy. I hope these informations will be useful to those who are interested in using artmuseums and looking at art as a part of their work with children.
    One of the main conclusions is that society and mens vision of life has influcenced ideas on the value of art appreciation for children. Issues as societies structure, the needs of rulers, material or cristian, ideas on the human being, his capacity and nature, more physcological and biophysical knowledge which influenced ideas on study, education among other things. Ideas on the value af looking at art with children can be devided into three catagories, experience, education and sociocultural ideas. These are different ideas, but today most educators at art museums think it is necessary to consider and work with them all. Many people believe that it is of great value to look at modern and contemporary art with children and youth. The artpieces often offer a new perspective on reality, get people to think, and therefore they give indivudals an opportunity to wonder about all kinds of existential issues. Even though children are still tought about art it doesn´t seem to be of the greatest importance. The teachers at the museums thought it was most important that the children enjoyed their visit to the museum and that they had meaningful conversations when confronted with the artpieces, conversations that were built on their former experience, their interests and which brought them to consider their own ideas.

Styrktaraðili: 
  • Rannsóknarnámssjóður
Athugasemdir: 
  • M.Ed. í uppeldis- og kennslufræði
Samþykkt: 
  • 20.10.2008
URI: 
  • http://hdl.handle.net/1946/1970


Skrár
Skráarnafn Stærð AðgangurLýsingSkráartegund 
Svala_lokaritg_27jan 08.pdf1.15 MBOpinnHeildartextiPDFSkoða/Opna