Náttúruleg loftræsting : gerð reiknilíkans fyrir hönnun loftræsingar í kennslustofu

Abstract

Verkefnið fjallar um náttúrulega loftræsingu. Fjallað verður almennt um viðfangsefnið og gert grein fyrir hefðum og venjum í hönnun náttúrulegrar loftræsingar. Sagt verður frá einfaldri notendakönnun sem gerð var í þremur skólum með náttúrulega loftræsingu. Útreikningar loftmagnsþarfar kennslustofu voru framkvæmdir með líkanagerð og handreikningum. Innstreymi lofts um glugga var athugað eftir vindáttum og staðháttum. Höfuð markmið verkefnisins var að athuga hvaða þættir eru ráðandi fyrir virkni og afkastagetu náttúrulegrar loftræsingar. Annað markmið var að bera saman handreikninga og reiknilíkan og meta hvaða aðferðir henti best fyrir hönnun náttúrulegrar loftræsingar. Niðurstöður leiddu í ljós að lofthæð og dýpt rýmis auk gerð, stærð og staðsetningu loftræsiopa eru mikilvægir þættir fyrir virkni og afkastagetu náttúrulegarar loftræsingar. Veðurfar er stærsti óvissuþáttur náttúrulegrar loftræsingar. Mikilvægt er að aðlaga náttúrulegt loftræsikerfi að notendum, byggingum og umhverfi. Með viðeigandi tækni og búnaði getur stýring tekið tillit til allra þátta náttúrulegarar loftræsingar og er þ.a.l. ráðandi þáttur fyrir virkni og afkastagetu loftræsingarinnar. Með því að bera saman reikniaðferðir kom í ljós að líkanagerð kæliþarfar er nær raunveruleikanum heldur en hefðbundnir handreikningar. Frekar skal styðjast við reiknilíkön sé þess kosta völ. Útreikningar loftstreymis um loftræsiop voru einungis framkvæmdir með handreikningum.