is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20137

Titill: 
  • List í opinberu rými : sagan á bak við útilistaverk Reykjavíkurborgar
  • Titill er á ensku Art in Open Space : the story behind Outdoor Sculpture in Reykjavik
Námsstig: 
  • Meistara
Útdráttur: 
  • Markmið rannsóknarinnar var að safna saman upplýsingum um ákveðin
    útilistaverk í Reykjavík sem sýna þá þróun sem orðið hefur á uppsetningu
    þeirra frá árinu 1875 til dagsins í dag. Tilgangurinn er að auka þekkingu á
    sögu og þróun listaverka í opinberu rými og varpa ljósi á gildi þeirra í
    samtímanum.
    Rannsóknarspurningin, sem leitast var við að svara, er: Hver er saga
    þróunar útilistaverka í Reykjavík og uppsetningar þeirra frá því árið 1875 til
    dagsins í dag? Rannsóknin var unnin með eigindlegum aðferðum þar sem
    gögnum um útilistaverk í Reykjavík var safnað með vettvangsathugun.
    Í ritgerðinni er fjallað um mikilvægi lista í samfélaginu. Einnig er tæpt á
    sögu höggmyndalistar frá upphafi og saga útilistaverka í Reykjavík er
    skoðuð frá því fyrsta verkið var sett upp árið 1875 til okkar daga.
    Aðaláherslan er á höggmyndir og minnismerki, þau eru skoðuð og sett í
    sögulegt samhengi. Flest verkin hafa verið sett upp á nokkuð afmörkuðu
    svæði í elsta hluta Reykjavíkur.
    Í rannsóknarvinnunni er leitast við að varpa ljósi á þá þróun, sem orðið
    hefur á framsetningu listaverka í opinberu rými, og þær breytingar sem
    almennt hafa orðið á útilistaverkum. Helstu niðurstöður eru að útilistaverk
    eru ekki uppi á stalli eins og reglan var hér áður, nú eru þau komin á gólfið
    eða jörðina í orðsins fyllstu merkingu. Nokkur listaverk í Reykjavík eru dæmi
    um þá þróun. Áður horfði fólk upp til listaverks sem komið hafði verið fyrir á
    stalli og stallurinn stundum girtur af þannig að fólk komst ekki í nánd við
    verkið en nú getur fólk jafnvel gengið á listaverkinu þótt það sé minnisvarði
    um einstakling. Með árunum hefur fjarlægðin milli listaverka og almennings
    minnkað og listin þar af leiðandi færst nær því að vera almenningseign.

Samþykkt: 
  • 28.11.2014
URI: 
  • http://hdl.handle.net/1946/20137


Skrár
Skráarnafn Stærð AðgangurLýsingSkráartegund 
Svana Friðriksdóttir-print2pdf.pdf3.41 MBOpinnHeildartextiPDFSkoða/Opna