Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20150
Eignarrétturinn er lýstur friðhelgur í 1. málsl. 1. mgr. 72. gr. stjórnarskrárinnar. Þó koma upp atvik þar sem eignarrétturinn er skertur en skerðingin er takmörkuð í síðari hluta ákvæðisins með þremur skilyrðum, m.a. almenningsþörf sem verður umfjöllunarefnið hér.
Byrjað verður á almennri umfjöllun um 1. mgr. 72. gr. stjskr. Þá verður fjallað um eignarrétt, skilgreiningu hugtaksins og mismunandi notkun þess. Því næst verður fjallað um sviptingu eignarréttar eða eignarnám, framkvæmd þess og lítillega um öll skilyrði eignarnáms sem fram koma í 1. mgr. 72. gr. stjskr. Öllu ítarlegar verður svo fjallað um það skilyrði er lítur að almenningsþörf. Leitast verður við að túlka eignarnámsheimildir laga og önnur gögn með áherslu á að skýra hugtakið frekar og verða lagabálkar valdir til umfjöllunar með hliðsjón af því hverjir verða fyrir eignarnáminu og hvert andlag þess er svo að úrtakið verði sem fjölbreyttast.
Markmiðið er að finna mælikvarða á hvað þarf til að þarfir ákveðins hóps verði taldar til almenningsþarfa. Þ.e. hvort sérstaka tegund hagsmuna þurfi til og einnig hversu marga einstaklinga þurfi til svo að um almenningsþörf geti verið að ræða.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaskjal.pdf | 420.03 kB | Opinn | Heildartexti | Skoða/Opna |