Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20710
Umfjöllunarefni þessarar ritgerðar er að skoða þróun á rekstri apóteka á
íslenskum lyfjamarkaði á árunum 1996 til 2007. Árið 1996 markaði tímamót í
rekstri lyfjabúða þar sem lyfjalöggjöfin var gefin frjáls það ár. Fjallað er um
þróun lyfjabúða og upphaf lyfjakeðja á Íslandi frá breytingu laganna. Þá er
lögð sérstök áhersla á þróun og sögu lyfjakeðjanna Lyf & heilsu og Lyfju sem
hafa mesta markaðshlutdeild á íslenska lyfjamarkaðnum í dag.
Tilgangurinn er að fræðast um þróun og sögu lyfjakeðja á Íslandi, þjónustu og
vöruúrval síðustu ára. Einnig er sýnt fram á tengingu þróunar og sögu við
söluhlutfall vöruflokka hjá Lyfjum & heilsu. Auk þess verður sýnt fram á
tengingu við 80/20 regluna og hvernig hægt er að yfirfæra hana í umhverfi
lyfjaverslana. Ætlunin er að sjá á hvern hátt rekstur apóteka fellur undir Pareto
lögmálið og fræðast um hvernig hún tengist íslenska lyfjaverslunarmarkaðnum.
Helstu niðurstöður eru þær að glöggt má sjá breytingu á lyfjamarkaðnum eftir
að löggjöfin var gefin frjáls. Stórhuga menn mynduðu lyfjakeðjur sem og urðu
valdir að miklu fjaðrafoki á Íslandi. Reksturinn fór úr því að vera lögbundið
einokunarfyrirkomulag yfir í fákeppni. Niðurstöður benda jafnframt til þess að
tenging er milli söluhlutfalls vöruflokka hjá Lyfjum & heilsu og 80/20 reglunnar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Hjordis_Oskarsdottir.pdf | 536.68 kB | Opinn | Heildartexti | Skoða/Opna |