Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20722
Þessi ritgerð var unnin til að kanna viðhorf foreldra á Íslandi til samfélagsábyrgðar og markaðssetningar vöru og þjónustu sem sérstaklega er beint að börnum og hvort börn 12 ára og yngri hefðu áhrif á kauphegðun heimilisins. Einnig var skoðað hvort foreldrar væru meðvitaðir um hvað samfélagsábyrgð fyrirtækja fæli í sér. Spurningakönnun var send út á samfélagsmiðlinum Facebook og var einblínt á að foreldrar sem ættu börn 12 ára og yngri myndu svara. Kauphegðun heimilisins var skoðuð og kannað hvað hefði áhrif á hana. Auglýsingar voru skoðaðar, hvort börn kynnu almennt að lesa úr þeim sem og hvaða áhrif þær hefðu á börnin. Eins var komið að lögum og reglugerðum er varða auglýsingar sem beint er til barna og svo að lokum hvaða tæki og tól fyrirtæki gætu notað til að vinna á samfélagslega ábyrgan hátt. Meginniðurstöður rannsóknarinnar voru þær að allflestir þátttakendur voru á móti markaðssetningu sem sérstaklega er beint að börnum og að börn á heimilum hafa í miklum mæli áhrif á kauphegðun heimilisins á einn eða annan hátt. Einnig var komið inn á samfélagsábyrgð fyrirtækja og hvort þátttakendur myndu frekar kaupa vöru ef þeir vissu að þeir væru að styrkja gott málefni.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Samfélagsábyrgð fyrirtækja og kauphegðun foreldra.pdf | 624.16 kB | Opinn | Heildartexti | Skoða/Opna |