is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20729

Titill: 
  • Þýðing réttmætra væntinga við töku stjórnvaldsákvarðana
Námsstig: 
  • Meistara
Útdráttur: 
  • Í ritgerðinni verður leitast við að gera grein fyrir réttmætum væntingum og þýðingu þeirra fyrir niðurstöður stjórnsýslumála. Horft verður til þrenns konar aðstæðna þar sem telja má að réttmætar væntingar geti einkum komið til skoðunar. Í fyrsta lagi þegar stjórnvald hefur tekið ívilnandi stjórnvaldsákvörðun, sem það síðar kýs að víkja frá, aðila í óhag. Um þessi tilvik gilda reglur stjórnsýsluréttarins um afturköllun og ógildingu, sem rótgrónar eru í stjórnsýslurétti. Almennt er viðurkennt að eftir að slík ákvörðun hefur verið tekin hafi réttmætar væntingar veigamikla þýðingu og mæli gegn því að ákvörðun verði vikið til hliðar. Í öðru lagi verður vikið að þeim tilvikum þar sem stjórnvald hefur látið uppi afstöðu sína til niðurstöðu máls án þess að stjórnvaldsákvörðun hafi verið tekin. Vaknar þá sú spurning hvort stjórnvald geti að vild horfið frá þeirri afstöðu þegar ákvörðun er tekin, eða, hvort það kunni hugsanlega að vera bundið við fyrri afstöðu sína vegna væntinga aðila. Í þriðja lagi er fjallað um heimildir stjórnvalda til að taka ákvörðun í einstöku máli í ósamræmi við almenna stjórnsýsluframkvæmd á þeim grundvelli að framkvæmd hafi verið breytt. Beiti stjórnvald nýrri reglu, sem felur í sér breytingu frá þekktri stjórnsýsluframkvæmd án þess að hún hafi verið kynnt eða sanngjarn aðlögunartími veittur verða ákveðin afturvirk áhrif. Sú spurning vaknar hvort, og þá í hvaða mæli, bann við afturvirkni og réttmætar væntingar setji stjórnvöldum mörk við að taka ákvarðanir á grundvelli breyttrar framkvæmdar.
    Ritgerðin er byggð þannig upp að í 2. kafla verða rakin helstu rök fyrir því að réttmætar væntingar eigi að njóta verndar að lögum. Í kafla 3 verður vikið að lágmarksskilyrðum fyrir því að hægt sé að byggja á meginreglunni um réttmætar væntingar í Evrópurétti og þýðingu slíkra væntinga í ólíkum tilvikum. Í kafla 4 verður hugtækinu réttmætar væntingar gerð nákvæm skil. Jafnframt verður rætt um þætti sem hafa áhrif á vægi slíkra væntinga. Að því búnu verður fjallað um stöðu væntinga við fyrrgreindar aðstæður. Sú umfjöllun, sem er meginefni ritgerðarinnar kemur fram í köflum 5–7. Í kafla 8 verður fjallað um þýðingu réttmætra væntinga að lögum. Niðurstöður ritgerðarinnar eru raktar í kafla 9.

Samþykkt: 
  • 31.3.2015
URI: 
  • http://hdl.handle.net/1946/20729


Skrár
Skráarnafn Stærð AðgangurLýsingSkráartegund 
ritgerð.pdf868.48 kBLokaður til...01.03.2100HeildartextiPDF