is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20794

Titill: 
  • Skaðabótaábyrgð vinnuveitanda á líkamstjóni sem dyraverðir valda í starfi, á grundvelli reglunnar um vinnuveitandaábyrgð
Námsstig: 
  • Bakkalár
Útdráttur: 
  • Í þessari ritgerð verður fjallað um skaðabótaábyrgð vinnuveitanda á líkamstjóni sem dyraverðir valda í starfi á grundvelli reglunnar um vinnuveitandaábyrgð. Dyraverðir starfa á starfsvettvangi sem krefst þess að dyraverðir þurfa oft á tíðum að meðhöndla fólk undir áhrifum áfengis. Getur því verið líklegra en ekki að dyraverðir valdi tjóni í slíkum aðstæðum. Markmið þessarar ritgerðar er að gera grein fyrir því í hversu nánum og eðlilegum tengslum, háttsemi dyravarða sem veldur líkamstjóni, þurfi að vera við starf þeirra sem dyraverðir, til þess að vinnuveitandi sé skaðabótaskyldur á grundvelli reglunnar um vinnuveitandaábyrgð. Fjallað verður sérstaklega um skilyrði reglunnar að tjóni þurfi að vera valdið við framkvæmd starfans í samhengi við efni þessarar ritgerðar.
    Í öðrum kafla þessarar ritgerðar verður fjallað almennt um regluna um vinnuveitandaábyrgð. Farið verður yfir hvað reglan felur í sér, hver uppruni hennar sé og hvaða skilyrði þurfi að vera fyrir hendi til þess að hægt sé að beita reglunni. Í þriðja kafla verður fjallað um það grundvallarskilyrði reglunnar um vinnuveitandaábyrgð, að tjóni þurfi að vera valdið við framkvæmd starfans. Verður tekið til skoðunar hvort að vinnuveitandi beri aðeins ábyrgð á tjóni sem starfsmaður veldur á vinnutíma, eða hvort að vinnuveitandinn sé bótaskyldur fyrir tjóni sem starfsmaður veldur utan vinnutíma í einhverjum tilvikum. Einnig verður skoðað í hversu nánum tengslum tjón þarf að vera sem starfsmaður veldur við framkvæmd starfs, til þess að vinnuveitandi verði bótaskyldur á grundvelli reglunnar um vinnuveitandaábyrgð. Í fjórða kafla verður síðan fjallað um skaðabótaábyrgð vinnuveitanda á líkamstjóni sem dyraverðir valda í starfi, á grundvelli reglunnar um vinnuveitandaábyrgð. Farið verður yfir lagagrundvöllinn sem dyraverðir starfa eftir. Ljóst er að ekki er til mikið af lögfestum reglum um dyraverði, mun því meginumfjöllunin styðjast við dómaframkvæmd héraðsdóms og Hæstaréttar, sem tengjast álitaefninu. Horft verður til hvaða atriða dómstólar líta við sakarmatið, og reynt að gera grein fyrir því hvaða háttsemi dyravarða fellur, og hvaða háttsemi þeirra fellur ekki, undir regluna um vinnuveitandaaábyrgð. Að lokum verða niðurstöður ritgerðarinnar dregnar saman í fimmta kafla.

Samþykkt: 
  • 15.4.2015
URI: 
  • http://hdl.handle.net/1946/20794


Skrár
Skráarnafn Stærð AðgangurLýsingSkráartegund 
Skaðabótaábyrgð vinnuveitanda á líkamstjóni sem dyraverðir valda í starfi - Á grundvelli reglunnar um vinnuveitandaábyrgð.pdf396.13 kBOpinnHeildartextiPDFSkoða/Opna