is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20874

Titill: 
  • Ábyrgð innan heilbrigðisþjónustunnar. Mismunandi form ábyrgðar heilbrigðisstarfsmanna
Námsstig: 
  • Meistara
Útdráttur: 
  • Ábyrgð heilbrigðisstarfsfólks er sérstök að því leyti að ítarlegri fyrirmæli eru í lögum um heilbrigðisstarfsmenn nr. 34/2012 varðandi störf þeirra en almennt þekkist meðal annarra starfsstétta, þar sem slík störf eru almennt talin vandasöm og geta haft afdrifaríkar afleiðingar fyrir sjúklinga ef störfin eru ekki unnin af eins mikilli vandvirkni og samviskusemi og kostur er. Í ritgerðinni eru helstu form ábyrgðar heilbrigðisstarfsmanna skoðuð, þ.e. refsiábyrgð og skaðabótaábyrgð, og kannað hvaða ábyrgðarform hentar starfsumhverfi þeirra. Í því samhengi er skoðað hvaða ábyrgðarform kemur helst til móts við aukið öryggi sjúklinga innan heilbrigðiskerfisins. Skoðað er hvort beiting refsiábyrgðar gagnvart heilbrigðisstarfsmönnum vegna brota sem eru framin af gáleysi sé hentug leið til að ná yfir saknæma háttsemi þeirra í ljósi þeirra sérstöku sjónarmiða sem eiga við um starfsvettvanginn. Þá er skoðað hvort unnt sé að ná fram sömu ábyrgð með því að fella refsiábyrgð á lögaðilann, þ.e. heilbrigðisþjónustuna, fremur en starfsmanninn. Fjallað verður um lög nr. 111/2000 um sjúklingatryggingar er kveða á um bótaábyrgð án sakar og fela í sér ákveðin sérsjónarmið varðandi starfsábyrgð heilbrigðisstarfsmanna. Meðal annars er skoðað hvort lög um sjúklingatryggingar séu betur til þess fallin að ná yfir gáleysisleg mistök heilbrigðisstarfsmanna en refsiábyrgð.

Samþykkt: 
  • 4.5.2015
URI: 
  • http://hdl.handle.net/1946/20874


Skrár
Skráarnafn Stærð AðgangurLýsingSkráartegund 
Ábyrgð_innan_heilbrigðisþjónustunnar_-_Mismunandi_form_ábyrgðar_heilbrigðisstarfsmanna.pdf636.49 kBLokaður til...20.06.2030HeildartextiPDF