is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20899

Titill: 
  • Endurskoðun á lögum nr. 62/2006 um eftirlit með aðgangi barna að kvikmyndum og tölvuleikjum. Endurskoðun og tillögur að úrbótum á núgildandi lögum, með hliðsjón af norrænni framkvæmd
  • Titill er á ensku A study of the Icelandic legislation on protection of children from harmful cinematic material and video games. A comparison to the legislation of the Nordic countries and possible improvements in the Icelandic legal system
Námsstig: 
  • Meistara
Leiðbeinandi: 
Útdráttur: 
  • Lög nr. 62/2006 um eftirlit með aðgangi barna að kvikmyndum og tölvuleikjum voru sett á sumarþingi árið 2006 og leystu af hólmi lög nr. 47/1999 um skoðun kvikmynda og bann við ofbeldiskvikmyndum. Samhliða þessu var eftirlitsnefndin Kvikmyndaskoðun ríkisins lögð niður.
    Tilefni þessarar lagasetningar var m.a. skýrsla ráðherranefndar Evrópuráðsins frá júlí 2003 þar sem staða tjáningar- og upplýsingafrelsis var könnuð hér á landi. Var það niðurstaða skýrslunnar að núverandi fyrirkomulag bryti gegn stjórnskipuðum rétti gegn ritskoðun sbr. 2. mgr. 73. gr. stjórnarskrár lýðveldisins Íslands nr. 33/1944.
    Af þessum sökum var mælt fyrir nýjum lögum á vordögum árið 2006. Tók frumvarpið verulega mið af þeirri stefnu ríkisins að opinber eftirlitsstarfsemi skuli ekki vera umfangsmeiri en þörf er á. Farin var sú leið að færa mat á því hvort efni væri við hæfi barna frá Kvikmyndaskoðun til ábyrgðaraðila efnisins. Var hinu opinbera þá falið að hafa eftirlit með því að það mat væri framkvæmt.
    Þrátt fyrir viðleitni löggjafans til að tryggja skilvirkni í framkvæmd laganna og vernd barna gegn skaðvænlegu efni sem heyrði undir lögin þá virðast þau ekki hafa náð tilsettu marki í framkvæmd.
    Efnisskipan ritgerðar þessarar er þríþætt:
    Í fyrsta lagi fer fram greining forsögu og þróunar kvikmyndaskoðunar hér á landi auk greiningar á lögum nr. 62/2006 og framkvæmd þeirra.
    Í öðru lagi verður kannað hvernig nágrannaríki okkar hafa útfært málaflokkinn og eftirlit með honum.
    Í þriðja og síðasta lagi verða settar fram tillögur að úrbótum á núverandi fyrirkomulagi hér á landi, með hliðsjón af þeim mun sem er á fyrirkomulaginu hér og á hinum Norðurlöndunum.

Samþykkt: 
  • 4.5.2015
URI: 
  • http://hdl.handle.net/1946/20899


Skrár
Skráarnafn Stærð AðgangurLýsingSkráartegund 
Edda Bergsveinsdóttir.pdf872.76 kBLokaður til...20.06.2025HeildartextiPDF