is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21069

Titill: 
  • Sjóðstreymi: Framsetning íslenskra hlutafélaga í Kauphöll Íslands
Námsstig: 
  • Bakkalár
Leiðbeinandi: 
Útdráttur: 
  • Sjóðstreymisyfirlit er óaðskiljanlegur hluti ársreiknings ásamt rekstrarreikningi, efnahagsreikningi, eiginfjáryfirliti og skýringum. Sjóðstreymi er fjárhagsyfirlit sem birtir innstreymi og útstreymi handbærs fjár og ígildis þess á rekstrartímabili.
    Rekstrarreikningur sýnir afkomu tímabils, þ.e. hagnað eða tap. Efnahagsreikningur veitir upplýsingar um eignir, skuldir og eigið fé í upphafi og við lok tímabils og byggist á bókhaldsjöfnunni: Eignir = Skuldir + Eigið fé. Eiginfjáryfirlit greinir frá breytingum í liðum eigin fjár á tímabilinu. Skýringar útskýra á eigindlegan hátt tiltekna þætti ársreikninga sem þarfnast frekari útskýringa.
    Fjallað er um sjóðstreymi í alþjóðlega reikningsskilastaðlinum IAS 7. Tilgangur sjóðstreymis er að veita upplýsingar um færslur á handbæru fé og ígildi þess og gera þannig þeim sem lesa grein fyrir hvaðan handbært fé kemur, í hvað það er notað og hvernig staða á handbæru fé breytist milli tímabila. Sjóðstreymi útskýrir mismun milli hagnaðar og handbærs fjár frá rekstri, auk þess að hjálpa lesendum við að meta hæfni félags til að afla fjár í framtíðinni og getu til að greiða skuldir og arð til hluthafa.
    Sjóðstreymi er skipt í þrjá meginflokka: Rekstrarhreyfingar, fjárfestingarhreyfingar og fjármögnunarhreyfingar. Rekstrarhreyfingar greina frá handbæru fé frá rekstri og eru mikilvægasti flokkur sjóðstreymis. Fjárfestingarhreyfingar greina frá færslum á handbæru fé sem eiga sér stað á eignahlið efnahagsreiknings, til dæmis vegna kaupa eða sölu fastafjármuna. Fjármögnunarhreyfingar greina frá færslum sem eiga sér stað á skuldahlið efnahagsreiknings, til dæmis vegna lántöku, útgáfu hlutafjár eða afborgana af lánum.
    Fjárfestingarhreyfingar og fjármögnunarhreyfingar eru ávallt settar fram með sömu aðferð en rekstrarhreyfingar er hægt að setja fram með beinni, óbeinni eða blandaðri aðferð. Alþjóðlega reikningsskilaráðið ráðleggur fyrirtækjum að notast við beinu aðferðina en þó er ekki mikið um að hún sé notuð. Ekkert íslenskt hlutafélag í Kauphöll Íslands notast við beinu aðferðina en níu félög styðjast við óbeinu aðferðina og fjögur við blönduðu aðferðina.

Samþykkt: 
  • 5.5.2015
URI: 
  • http://hdl.handle.net/1946/21069


Skrár
Skráarnafn Stærð AðgangurLýsingSkráartegund 
Sjóðstreymi - BS ritgerð - Arnar Már Hrannarsson.pdf1.01 MBOpinnHeildartextiPDFSkoða/Opna